|
تكفون غشيم يبي الفزعه
:qlbe12:
السلام عليكم ورحمة الله وبركاته احيكم على منتداكم الرائع وودي بالشور منكم انا عندي 50000 ريال وافكر اني افتح حساب تداول بالامريكي والا اضعها مع واحد عنده محفظه و فيه كم واحد مشغل فلوسه معه ورجال معروف وكل شهر يعطيهم ارباح حسب السوق الشهر الماضي معطيهم اهل ال50000 تقريبا 5500 ايش رائكم ولكم الف تحيه وعلى قولتهم :qlbe4: |
مشاركة: تكفون غشيم يبي الفزعه
مرحباً مليون .. وحياك الله يا الغالي .. بناءً على خبرتي البسيطة والمتواضعة .. أشوف أنك لا ترمي فلوسك على أحد ما تعرفه معرفة شخصية لسببين .. السبب الأول : ما تدري الله يستر يطلع مثل راعي القدر اللي أستلف من جاره قدر وجاه اليوم الثاني بقدر صغير مع الأول وقال له القدر الكبير ولد وجاب القدر الصغير ويوم طمع راعي القدر قال أجل أترك معك القدرين وأزيدك عشرة قدور .. (( كل القدور اللي عنده )) لعلها تنجب كلها .. جاه اليوم الثاني يسأله عن القدور .. قال له أحسن الله عزاك ما تت القدور قال كيف القدور تموت قال له وكيف صدقت أنها تلد ... إن شاء الله تكون فهمت قصدي .. ( الخمسة ألاف في الشهر صعبة شوي إلا إن كان يتبع السبب الثاني ) .. السبب الثاني : ما أدراك أنه يشغلها في الشركات النقية من الربا .. وأتمنى أن تكون ممن يبحث عن الحلال بإذن الله .. فبإمكاني أن أضمن لك بإذن الله من 5.000 إلى 8.000 ريال شهرياً .. ولكن بالعمل بالشركات المحرمة .. أما بالشركات النقية وعلى حسب خبرتي .. تستطيع من 2500 إلى 4000 ريال جميعها حلال بإذن الله .. ( طبعاً بمبلغ 50.000 ) .. أرجو أن تكون أستفدت من هذه النقاط .. أخوك المحب لك // راعي الأوله .. |
مشاركة: تكفون غشيم يبي الفزعه
الله يحيك الاخ الحبيب راعي الاوله:
شاكر ومقدر لك النصيحه والله يجعلها في موازيين حسناتك وفعلاكلامك في محله لا الحق راعي القدور:qlbe12: لكن وايش الراي متى ابدا؟ انا اشوف السوق في ارتفاع واخاف انه يبدا في التراجع |
مشاركة: تكفون غشيم يبي الفزعه
وكلامك جميل وصحيح .. وما ينفع السوق حالياً .. إلا لشخص واحد ...!!!! شخص قوي ( لا يخاف الخسارة ) .. شخص لديه مبلغ لا يحتاجه .. شخص لديه إشتراك بتداول إنترنت .. ( لسرعة التنفيذ ) .. ويعمل كمضارب فقط .. ( مكسب ريالين ويطلع ثم يرجع يشتري .. وهكذا ) .. بالتوفيق يا الغالي " محمد " .. أخوك المحب لك .. راعي الأوله .. |
مشاركة: تكفون غشيم يبي الفزعه
خذ العلم أخي محمد العمري
من اخي راعي الأوله مااشااء الله عليه ترى هذاا الهامور الخااص في منتدى بني عمرو بسم الله عليك ياراعي الأوله كلامه صحيح وعين الصوواب وترى ما يدير أحد مالك أحسن منك تقبل خالص مودتي وتقديري.. أخوك أبو مانع.. |
مشاركة: تكفون غشيم يبي الفزعه
الاخ الغالي محمد العمري
اعتذر عن ردي المتأخر ولكن اود ان اقول لك اتبع شور راعي الاوله وان شاء الله انت الربحان وقد سمعنا من الكثير من الناس ان هناك بعض الاشخاص المعروفين يضاربون بفلوس الناس ويعطيهم سند على المبلغ لكن اشتغل بنفسك وانت ان شاء الله الربحان وعلى ما اعتقد ان فتح المحفظه في الراجحي 200 الف ريال يعني طلع الدراهم يابو حميد هذا تقبل تحياتي ،،، |
مشاركة: تكفون غشيم يبي الفزعه
الشكر والتقدير لكل من شارك برائه
والله يرزقنا الجنه خير من الدنيا ومافيها:S_32: |
مشاركة: تكفون غشيم يبي الفزعه
أخي محمد بالنسبه للمحفظه
أنا سمعت إنه في مؤسسة الرجحي بمبلغ والامركي تقريباً 50 وخمسمائة ريال كل سنه 30ألف ريال سعودي ريا ل ينطح ريال وسلامتك.. |
| الساعة الآن 06:40 AM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir