الليل مـوعــد !! يحترق خــوف فرقا
 

[poet font="Simplified Arabic,5,white,bold,normal" bkcolor="transparent" bkimage="backgrounds/13.gif" border="none,4,gray" type=2 line=200% align=center use=ex length=0 char="" num="0,black" filter=" shadow(color=teal,direction=135)"]
لا تهـدمين الليل... في سـكة فـراق=الليل رجــم الـروح .. خليني أرقى
ليلي حياه ، و تنتهي بـيـْد الإشـراق= خليني أحيا الليل يمديني أشقى
ليل البـداية طـفل و الطـفل مشـتاق=للـيــل.. وحكايـــات ترحـل وتـبـقى
والليـل شايبْ يفـتح الصـــدر لا ضاق=لديـاره اللي بالأســاطيـــر تُسقى
والليــــل . . أمٍ قـلبـهـا نهْـــــر دفــاق=حـب يبل قلوب في الحزن غـرقى
والليل كتْبْ ومدرسـه..همْ ، و اوراق=والليل بنـتٍ تسـكن النجـم طرقى
والليل شاعر ناحل الجسم و ادْقـاق=والليل . . ونـة قلـب ودمــوع زرقا !
والليل حب وهمس وعتاب و اشواق=والليل أغاني وجـد بالدمــع شرقا
والليل رعشة خوف في لحظة عناق=والليل مـوعــد يحترق خــوف فرقا
والليل، أنا و أنتي على سـكـة فراق=أيـديـن ماتت بـردْ و أيدين عرقى !

[/poet]

هلا وغلا
هلا والله
وين الابداع ذا خاشه اخوي عنا
يعطيك الف عافيه قصيده تستوجب قارئها ان يعيد قرأتها
والليل شاعر ناحل الجسم و دْقـاق
والليل . . ونة قلب ودموع زرقـا !
والليل حب وهمس وعتاب و اشواق
والليل أغاني جد بالدمـع شرقـا

كم ابدعت اخوي سعيد وكم اطربت اسماعنا
تحياتي لك

المسكت

والليل رعشة خوف في لحظة iiعناق
والليل موعد يحترق خـوف iiفرقـا
والليل، أنا و أنتي على سكة iiفـراق
أيدين ماتت بردْ و أيديـن عرقـى !


والله القصيدة اكبر من اننا نحط رد عليها لانها هى الرد اللى نبى نقوله ومانعرف كيف؟ بس خلاص انت جبتها

يعطيك العافيه

من اروع القائد الى قرأتها .... والقصيده فيها الرد ولاتحتاج الى تعليق

قصيدة رائعة المفردة .. غارقة في بحر من الإبداع ..
عزف .. لايدرك جماله وعذوبته غير من كانت ذائقته تعشق الليل وجماله ..

تشكر أخي سعيد .. ولاتبخل علينا يارجل..

ولك مني التحية والسلام ..

هنا فقط تتضح الوحدة العضوية للقصيدة
وهذا مايتميز به الشعر الحديث
وما شدد عليه النقد في مدارس النقد الادبي الحديث
قصيدة رائعة
جعلت الليل اعمق مما تدرك الشهب
فعلا...

الاخ العزيز/ سعيد العمرى

تسلم والله على هالقصيده الرايعه والحقيقه شاعر متمكن وهاذا هوالليل كما قلت

فالليل منه واليه تتجه الاحاسيس وهو كما وصفت واكثر تشكر جدا على هالروعه

لا عدمناك

اخوك/ نجم الجنوب

رائعه ......

هلا وغلا سعيد العمري

قصيده روعه ولا احلى
يعطيك العافيه

جميله بلا مجامله