منتديات بني عمرو - لاتهينين...القصائد,,

لا تهينين القصائد .. وتكسبي رضوة ضنينك

ماحدن هاليوم يسوى تزعلي ابياتـك عشانـه

في الشموخ احساس ملفت خلى احساسه يزينك

ابعدي الضعف وتقوي .. واهجري حب المهانه

في زمان الضيم كوني غـادة يحكـوا بلينـك

وفي زمان اللين كوني اقسى من ضلع بمكانـه

لا تقولي له ((ولهت )) وودي بضمة يمينـك

خلى احساسك وبوحك يلقـى بعيونـك امانـه

خلى طفل الشوق يثمل .. ينتظر شربة حنينـك

دون ما يهزك خضوعه ولـذة الشـي بأوانـه

لو رخصت القول يرخص قولك ويبدأ يهينـك

قولك ياكد شكوكه ويجعـل اشعـارك ادانـه

طببي جروحك بنفسك يمكن جروحك تعينـك

لاانكسف وجهه وبين منهـم عـروق الخيانـه

لا تهينين القصاائد.... وعزها بيرفع جبينـك

صدقيني العز يسوى تنظمي ابياتـك عشانـه