وش يهم ان ضاقت الدنيا علي وصرت غايـــب=تبقى لوعات المواجع في ضميري ما تغيب
ماشكيت الوقت من حظٍ يرد بوجه خايــب= دام لي حظ إلى من خاب يبطي مايصيــب
وما حسبت حساب عينٍ شايفه كل العجايـب =من هموم ومن سموم وحزن من عيني قريب
لا يغرك منظري لو شفتني بالحال طايــب =محتفظ صابر عليل ولي جروحٍ ماتطيب
لمحتي مثل الزهر لو صار بالنسمات ذايــب = يرتوي ذاك الهماج ومنظره عذب وعجيـب
ونظرتي أرضٍ بها عشبٍ تصبحه الهبايـب =كل مازادت رياحه شوق تمسي به غريــب
ونظرتي مزنٍ تراكم ترقبه نظرات هايـب =ما ومره الله ولكن له بروق اقفت تهــيب
ولي بقايا فالامل تبري جروح بي عطايب=حتى لو ان المواري فالامل يرجع عطيـب
ولي شباب مثل حلم ينتثر في صوت شايب=قال الا ليت الشباب يعود من عقب المشيــب
يخبره باللي يشوفه من علوم ومن غرايـب=وكيف لو نادى عياله ما لقى له من مجيـب
ولي خفوقٍ ضاق في دنيا رفيق صار غايب= ما بقى له من وداعه غير صورة ما تغيـب