لأخير في مال تعــب صاحــبه فــيه=ورداه حــــب المــــال في ألمهلكاتي
الشر مــن مبــدأه كثرة دعـــــاويه=وسبـــــابه التفكـــــير في المغرياتي
خاب المرابي ثـــــم خابت مساعيه=فــــوائده مــــــــــن جملة ألموبقاتي
يفرح بجمع المال من حيث يأتـــيه=حـــــــله وحرمــــــــه كلها جائزاتي
لأفرق عـــنده بين حـــله وباقــــيه=طــــرق الخطاء والصح متساوياتي
والسحت ما يصلح بتبديل اسأمــيه=معنــــــــاه واحد في جميع ألصفاتي
خبيث لـــو مـــن يستبيحه يزكــــيه=مــــــــافي الحرام اجر ولا له زكاتي
محق الرباء شاهد على طبع راعيه=مـــــن شانه الترغيب في ألمنكراتي
لأمــدح للطيــب ولا رغــبة فــــــيه=قلــبه وعقله للهـــوى تابعــــــــاتي
نفســه تحــدث لـه بتحقيق أمانـــيه=مــــا كنـــه إلا مستحـــيل ألممـــاتي
يحلــــم بطول العمر والموت ناسيه=ويريـــد كســـب أيامــــــه ألمقبلاتي
لكـــن ميعـــاد النهايـــة يوافـــــــيه=ويحــــول دون أشغــــاله الباقيــاتي
يــفرح ويــمرح طايــبه له ليالــــيه=وإذا بـــه يأتــــيه يــــوم ألوفـــــاتي
أيـــن الطــبيب الــلي لعلـه يداويـــه=عســــى يمـــدد لــــه بطول الحياتي
كــل الزمــان اللي مضى ما يكفـــيه=كانــــه سويعــــات مـــــن الغابراتي
من ذا الذي يقدر من الموت يحميه=مــا يقدر إلا مـــــوجد ألكائنـــــــاتي
المــوت فــي الوقت المحدد مـلاقيه=كـــل الوســـائل فيـــه متعذراتــــــي
ما ينفعــه ملكــه ولا مـن يوالـــــيه=مــــع كـــثرت الباكين والباكيـــــاتي
عــند الرحــيل الروح يصعد لباريـه=صحائفــه باللــــى فعــــــل شاهداتي
يذهــب مــن الدنــيا بــثوب يغطــيه=غـــــير اليدين أكمامــــها ناقصــاتي
يقبل علــى مــولاه حامــل معاصـيه=جــــوارحه تشــــهد بها ناطقـــــاتي
يحــمل علــى لأعناق حتى تواريــه=فــــي منزل مهجــــور طول الحياتي
مــنزل ترابــياً قريبــه نواحـــــــــيه=ديـــدان لأرض بداخــــله ساكـــناتي
تصـــوره يا غـــافل كــنت ناســــيه=مــنزالك الــــدائم وفـــيه المبـــــاتي
يمتاز بإغلاقه علـــى من سكن فيـه=ويجــــاوره منـــازل مغـــلقاتــــــــي
أحجــار لحده قربت مــن حوالـــيه=وأغراض ردمـــــــه كلها جــاهزاتي
أمــا يعذب بــه لكــثرت معاصـــــيه=وألا معـــافى مـــن هل الصالحـــاتي
حـــان الوداع وفارقــه من حوالـيه=تلك الجمـــوع الحاضرة عـــــائداتي
كــل تولــى عـــنه واقفـــا مخلــــيه=يسمع بصـــوت أقدامـــــهم مقفياتي
ليت المكــان اللي ترك فيــه ينهــيه=لـــكن ذاك بدايـــة المعضــــــــــلاتي
ماهــو جــوابه عن سـؤال يفاجــيه=لــن كــان ما وافــق لقول ألثبــــاتي
يقرأ كــتاباً فــيه ما كـــان يجنـــــيه=يستر بــه وألا مـــن المـخزياتــــــي
فيــه الرصـــيد اللــي لنفسه ينمـيه=خـــيره وشــره للقــى حاضـــــراتي
تذكر المـــوقف وهــول يقاسيـــــــه=يوم العباد أبصــارهــم شاخصـــاتي
تصـــور المنـــزل وحـي سكن فــيه=وانته علــيك الدور فــــي العاجلاتي
تصـــور إن العمـــرباخــر ليالـــــيه=واحسب حسابك قبل فوت الفـــواتي
تصـــور المـــيزان يرجـح بما فـــيه=أمـــام تلك الأعـــين الناظـــــــــراتي
لاتحســـب انك واحـد الموت يخطيه=ما حدا نجا قبلك مــن الحادثـــــــاتي
رحمـــاك يا مــن لايخيب لداعــــــيه=أنت الذي يملك حصــــــون النجاتي
تمــت و حصــن المعــرفة قال بانيه=صلوا على المختار بأزكى ألصلاتـي