مرحوم يا اللي زاره الموت مرحوم= يا ليت موتي زارني قبل تقفون
هذا هو المكتوب مقدر ومحسوم= تحت الثرى يا عالي الشان مدفون
سهم الخبر جاني من الهول مسموم = له وقعت في النفس يا خل مسنون
يسقيك يا قبر من النور معلوم= قطر صفى يا صافي الروح مصيون
مرحوم يا جسم في اللحد مضموم =كل حسد قبرك على ضم مزيون
ومرحوم ياللي على فرقاك محموم = من حرقتي كني مع الناس مجنون
أعيش بين الناس هايم ومهموم = ما كن في الدنيا مصاب ومحزون
ولا كن غيري في الارض محروم= ولا كن فيها من الناس مضنون
سكبت دمع العين وأحرمتها النوم = لا غبت عن قلب سنينه يمرون
غزالة أخذت من الحسن مقسوم = من شافها كل عليها يسمون
كانت عفيف الروح طاهر ومحشوم =بين النساء مالك شبيه-ن- ومقرون
يا مقد الاقدار لطفك بمحكوم = يا من عباده من عطاياه يرجون
تجعل ثواه بجنة الخلد مقسوم = وملايكة عرشك عليها يصلون

أعيش بين الناس هايـم ومهمـوم = ما كن في الدنيا مصـاب ومحـزون