يـابــَعَـد من يـجـون ، وكـنـّهـم يــبـعـدون=جيت لي من هناك ، وكـنـت عـنـدك هـناك!
يا هلا كثر... والفرقى جـروح وشـجـون=كـثـرهن يـا هــلابك ، يا عـسـاهن فـداك
لا تـحـيــّر ، و ردّ الـبــاب دون الـظـنـون=وادخـل القلب ، مابــه غــيـرك الا غــلاك
هـايـمك ما يـخـون ، و عـزّتـه ما تـهـون=وانـت لو كـنـت مـثـل اللي نساهم نسـاك!
والله اني ما اشـيـل الـهـم لــو مـا تـمـون=لا ، ولا شلـت جمـر الـشـوق لو ما زهاك
يـا ...قليله علـيك ان قـلت لك يا:حـنـون=انـت ، ويا كثـر حـبك ، كـثـر حـبـك مـلاك
كـنـت احـبـك خـيـال ٍ ماحـسـبـتــه يـكــون=كـيـف مـا دامـك احلى من خيالي هــذاك؟!
النـظـر لك ، وقـلـبـي لـك ، وحبي جـنـون=وانــت بالـقـلـب ، والاّ بالعـيـون بــهـواك
يا شـبـيه..او سـواك بـوصـفهم يـشبهـون=كيـف اشـبّهـك باللي ما وصـل مـستـواك؟!
وديّ اسمع ، وابـسمع من حديث المزون=لا تـنـقـّى الـكـلام الـعــذب تـظـلـم شـفــاك!
حـّدك الروح يـا غـيـث الحـنـان الـهـتـون=وكان ما أمداك عمرالوصـل ،عمري مداك
وإن سهيت وخذتني لـك، وعـنـك العـيـون=وشهـو احـلى من السـجـَّه بــدنـيـا بـهــاك؟
كان ذا بعـض وصلك ، جعـلهـم مايجــون=وكان ذا بعـض زينـك وش تركـت لسـواك؟!