منتديات بني عمرو - معـــــــاناة عاشــــــــق

منتديات بني عمرو (https://forum.baniamro.co/index.php)

- عطر الكلمات (https://forum.baniamro.co/forumdisplay.php?f=10)

- - معـــــــاناة عاشــــــــق (https://forum.baniamro.co/showthread.php?t=15034)

نبـــع الغـــلا

04-06-2005 10:28 PM

معـــــــاناة عاشــــــــق

ياالله ياخالق ابن ادم من الطين=يامن عن الدعوات ماصك بابه
تزيل هم داخل القلب وتعين=للي غزاه الشيب باول شبابه
انا وخلي عن بعضنا بعيدين=شوق وتلاقي بعد طولة غيابه
ساعة الفرقا شهر واليوم بسنين=وكن الليالي في عددها تشابه
وان مرني طيفه مثل شوفة العين=يامرحباً مليون والفٍ هلابه
ميعاد رحلة صاحبي يوم عشرين=يوم الربوع الجاي موعد ايابه
يوافق الثالث من ايام تشرين=واربعه نوفمبر الجاري ذهابه
انا اشهد ان قلبي توزع لقسمين=نصف بقالي ونص فوق السحابه

نـبــــــــــع الغــــــــــلا

برق الساحل

04-07-2005 01:04 AM

مشاركة: معـــــــاناة عاشــــــــق

ابيات جميله في معانيها
قصيده أكثر من رايعه
من قلم مبدع.............

لاتحرمنا من ابداعاتك أخي نبع الغلا

مع التحيه

المسكت

04-07-2005 03:19 AM

مشاركة: معـــــــاناة عاشــــــــق

جعل السعاده في حياتك تباريك=وجعلك تفوز بفنها وانت الاول

هــلا وغــلا
نبع الغــلا

حياك اخــوي
مليون ومــايكفون

احترام اخوي أمل ان
تقضي اسعد الاوقات واجملها

اخوك
المســكت

العناااا

04-07-2005 02:09 PM

مشاركة: معـــــــاناة عاشــــــــق

ساعة الفرقا شهر واليوم بسنين= وكن الليالي في عددها تشابه

/

\

/

صح قلبك ياخوي ..

حروف مرهفــة ...

ومعاني جميلة ..

قلمك الرائــع أجبرني على الوقوف هنــا

دمت ودام بوحك ..

أرق التحاياااا لك http://members.lycos.co.uk/qetharah/up/up/i.gif

الساعة الآن 07:31 PM