عيشي حياتك وانسي اني حياتك =حلم بخيل وميت الوقت ما جاد
حلم بعيني مات واعلن وفاتك =اصبح لغيري عيد من ضمن الاعياد
هذا الزمن له هزعه كيف فاتك =ام تموت وصرخة الطفل ميـلاد
ولو تشربين اليو م ضميا شفاتك =ولو تلمسين الجرح بيديك ماهـــاد
ولو تجمعين من المدى في لهاتك =عند النهايه منتهى الدرب بالكـاد
لا تجرحين بدمعتك نا عساتك =ليل الشتاء ياخذ من الصبح مـازاد
ولا تعاندين الوقت في مقبلاتك =حنا اجتهدنا نلتقي بس ما فاد
ماجيت بالهين ونازعت ذاتك =الا ونا ليّه من المــوت ميعاد
ياعين ضمي طيفها بالتفاتك =وياروح ضميها وفا قرب وابعـاد
اودعك ياميته في عباتك =الروح ماتت والجســـد كله عناد
عيشي حياتك كنها اول حياتك =كلن يريد وللقدر كل مـا راد

مرحبا باللي علينا لفابك =يا مرحبا باللي لفانا ومن زار
طول علينا يا صحيبي غيابك= والشوق من فرقاك يا سيدي نار
حياك ياللي خاطري اهتنابك= كل المعاني في مقامك بتحتار