بديت باسم الله عظيم نجله=الواحد المعبود رب العبادي
ياعالم الاسرار والغيب كله=ياموجد الإنسان بحلى مباديء
تهدي لساني للمعاني ودله=يوم (ن) لسان الرجل نصفه وزادي
جاني خبر حطم شعوري وفله= علما مثيل الظور شتت رقادي
دباس انا ياخوك طايح بشلة= انا بوادي وانت صاير بوادي
من قالك والله فوالله تحله=صدق لمثلي لاتسبب نكادي
اسمع لشاعرماتغير محله= لو عاش بالمريخ صقرا هدادي
انتم خوالي مثل سيف نسله=لان الولد للخال يشبه وكادي
ماقول جاملني ولااقول لله=خليتني مكتوف اصففق بايادي
ياونتي ونت صويب بعلة=لا اقبل سواد الليل صوت ينادي
او ونة المطعون بيدين خله=من بعد حبه صارله شخص عادي
اخذ حياتي واشهد القلب تله=تلة مقفي مايجيب المنادي
محروم انا شوفه و محروم ظله=لجله وباسبابه مخاوي سهادي
اساهر النجمات وسهيل اطله=واخيل البراق والصبر زادي
ذاللي حصل والحق اناله واشله=سمحان يشتل الحمول البعادي

يالله ياللي كل كرب تحله = ياعالم مافي السماء والبيادي
يارافع كل النجوم المطله = رافع سماء الدنيا بليا عمادي
تفرج لمن كنه على جال مله = ماله جدى ياكود صفق الايادي
مرعي يشكي بعد ماراح خله = خطر على حاله تروح نفادي
قبله وانا حاصلى اللى حصله = من صاحبي راع الرموش الحدادي
انشهد اني منه ذقت المذله = لكن فزعلى ربنا خير هادي
وختامها لن كان في القول خله = نرجو السموحه من كل حضر وبوادي