يا أمير الشعـر يـا حاكـم عسيـر=يا سليل المجـد يـا وجـه السعـد
لو كتبنا الشعـر بـورود وحريـر=مـا يكمـل شعرنـا وصفـك أبـد
ولو نقول الشعر فـي حبـك كثيـر=لأن صدق الفكر فـي حبـك خلـد
العسير أصبـح بفضـل الله يسيـر=تحـت رأيـة قايـد النهضـه فهـد
والوطن يستنظره حلـو المصيـر=دام عـبـد الله ولــيٍ للـعـهـد
وفي حمى سلطان يا نعـم الوزيـر=وقفتـه دايــم تبـشـر بالسـعـد
من بحـر فكـرك ترانـا نستنيـر=يـا أميـر الشعـر يانـور البـلـد
يحفظك مولاك ذو العـرش القديـر=ويكرمك من جوده الفـرد الصمـد
يالامير ابن الاميـر ابـن الاميـر=أنت صقر الجو فـى يـوم الجلـد
يا طويل العمر زود الخيـر خيـر=وأنت خيرك وصل من قبل الوعـد
دام خالـد بينـنـا حـنـا بخـيـر=روحنـا خالـد وحنـا لـه جسـد
كـل نظـم مـن قوافينـا يحـيـر=وش نقول بوصفكم يـا خـو سعـد
يفـرح الخاطـر ويحـداه المسيـر=لأجل نوصل للهدف لو هـو بعـد
ياعزى الملهوف غوث المستجيـر=كنـك الطوفـان ضـدّ المستـبـدّ
عـون للمحتـاج ريـف ٍ للفقـيـر=تسنـد المظلـوم لا عـزّ السـنـدّ
مثل حدّ السيـف شامـان الشطيـر=ضربته مـا بعدهـا غيـر اللحـدّ
بالأمـاره صـرت كالبـدر المنيـر=والزعامـة فيـك ورث أب ٍ وجـدّ
صاحب الأمجاد ذو النهـج المثيـر=تسنـد الشايـب وتعطـف بالولـد
لك محبه في قلـوب النـاس غيـر=سطروا مضمونهـا وعـد وعهـد
خالد الفيصـل ومـن مثلـه يديـر=وجهـة التأريـخ فـي همـة أسـد
يرسم الفكره علـى شـط وغديـر=وفوقها الغيمـه تحثحـث بالرعـد
كلمتـه تستوحـي الفكـر المنيـر=كم بنحصي مـا المزايـا كـم نعـد
سامي حروفه يرى منهـا الضريـر=تضوي عيـونٍ بهـا النـور انفقـد
بالثناء يا سيـدي شخصـك جديـر=اسمـك الميمـون للعليـاء صعـد
لـك يميـنٍ تبـذل الخيـر الوفيـر=موقفك ثابت علـى طـول الأمـد
زارعٍ للطيب مـن يومـك صغيـر=ومن زرع مثلك جنى الطيب وحصد
المشاعـر دايـره عبـر الأثـيـر=أذفر من المسك واحلى من الشهـد
الـورود تفـوح بانـواع العبـيـر=والغيـوم تهـل بمـزون وبــرد
رفرفـت راياتنـا بابهـى مسـيـر=واستقـر الخيـر والشـر ابتـعـد
المشاعـر يـم خالـدنـا تطـيـر=وجاك هيـض قلوبنـا يومـه ورد
كل مدح فـي غـلا خالـد يسيـر=وياعسى عيـون العـواذل بالرمـد