يا دمعي اللي خط بالخد مجراه=يكفي ترى قلبي تحمل رحيله
خليلي اللي عذب الروح فرقاه=يا ويل قلب غايب عن خليلة
متى يجف الدمع يا عين وأنساه=وأشفي جروح نازفات عليله
ويرتاح قلب عذبه كثر ذكراه=وارتاح من همّ الليالي الطويلة
من ذاق طعم الحب من حمرة إشفاه=يبقى سجينه ماحد يشتكي له
ومن شاف حسنه كل زين بيلقاه=لكن نفسه لاجل عينه ذليله
سبحان من أبدع جماله وسواه=ما هقوتي تلقى بخلقة مثيله
آواه يا خلي من الهجر آواه=جمرك بصدري شاب -ن- كل ليله
حياتي اللي كلها فيك محكاه=ببدا حياتي وكل ماضي بشيله
تسلى يا قلبي ولو كنت تهواه=روحي تراها لاجل حبه قتيلة