منتديات بني عمرو - من قبل خمس سنيـن عاهدتـك أنسـاك

منتديات بني عمرو (https://forum.baniamro.co/index.php)

- عطر الكلمات (https://forum.baniamro.co/forumdisplay.php?f=10)

- - من قبل خمس سنيـن عاهدتـك أنسـاك (https://forum.baniamro.co/showthread.php?t=12313)

من قبل خمس سنيـن عاهدتـك أنسـاك

اسعد الله اوقاتكم بكل خير
اخترت هذه القصيدة اتمنى ان تنال استحسانكم

من قبل خمس سنيـن عاهدتـك أنسـاك=لكنـي أخلفـت العـهـد .. مانسيـتـك
ياما سهـرت .. ومرنـي طيـف ذكـراك=وياكثـر .. ماجيـت بخيالـي وجيـتـك
أذكر خجلك .. وبسمتك .. همسة شفـاك=وأذكر كلامـي لـو .. لعلـك .. وليتـك
وأذكر هنا .. مدري هنا .. يمكـن هنـاك=كم ضعت بك .. واحترت بك .. كم لقيتك
لاحظ وأنـا جالـس .. أضيٌعـك وألقـاك=ولو تهت عن كـل الـدروب .. اهتديتـك
حتى عرفـت اللـي .. تضمـه حنايـاك=لأخفيت شيٍ .. فـي عيونـك .. قريتـك
أغليك .. أحبك .. أعشقك موت .. وأهواك=لـو كنـت تجفانـي .. أنـا ماجفيتـك
بالله قلـي .. مـن يسـوي سوايـاك ii؟؟=ياللي بنيـت ... بداخـل القلـب بيتـك
ليتك شعـرت بحالتـي .. يـوم فرقـاك=يـوم انتهـى ليـل المواجـع .. بديتـك
أذكرك ثم أذكـرك وأذكـر .. ولاأنسـاك=تبطي .. وتبطـي .. تنتظـر مانسيتـك
ومع كـل هـذا .. باقـيٍ شـي يخفـاك=مهما .. تصـد .. وتبتعـد .. مابكيتـك

مع خالص تحياتي

مشاركة: من قبل خمس سنيـن عاهدتـك أنسـاك

قصيدة رائعة ..

وذائقة شعرية أروع وأروع ..

صح لسان قايلها ..

وصح قلبك يا بوسلطان ..

دايم اختياراتك ذووووق ..

ومن أختك العناااا http://members.lycos.co.uk/qetharah/up/up/i.gif لك أرق التحاياااا

مشاركة: من قبل خمس سنيـن عاهدتـك أنسـاك


	احيان احسدك على الاختيار تطلع بشئ يكون له احترام وذائقه غير تمتلك احساس المعنى لك تحياتي ابو سلطان ويعطيك العافيه المسكت

مشاركة: من قبل خمس سنيـن عاهدتـك أنسـاك

ومع كـل هـذا .. باقـيٍ شـي يخفـاك

مهما .. تصـد .. وتبتعـد .. مابكيتـك

عشق وهيام نثر على أشلاء ماضي جميل

أنفة ووفاء رغم الكبد والعنا

مقطوعة مميزة ... كتميز سعيد....

تقبل تحياتي ...