منتديات بني عمرو - تــرانيم ((لمسة أولى ))

الى اعضاء منتديات بني عمرو الموقرين تحية طيبة وبعد يسرني ان تكون هذه القصيدة هي باكورة انتسابي الى منتدياتكم الموقرة

فزّ القصيد وغرّدت لي ترانيم = الصاحب اللي كل يومٍ أقوله
اسمي من شفاته لحون وتناغيم = ترقص على حرفي محالي طبوله
أسوق فيه الشعر سوق المجاهيم = اللي على برد الصحاري بتوله
سيد البنتات اذا أطلقنّ التلاثيم = مثل القمر حلو الشروق وأفوله
أشقر جديله مع رموش مراسيم = يكمل حلاها في عيونٍ خجوله
أبو الضلوع المرهفات المناعيم =اذا تثّنت وقف الشعر قوله
تعجز في اوصافه جميع المفاهيم = واغزر بحور الشعر صعبٍ تنوله
هو الطبيب اذا لفى قاسي الضيم = يحلى حنان منه أرخى سدوله
دعيت ربي يجعله لي خواتيم = كل القلوب اللي تشوّق وتوله

خ ا ل د