قصيدتي ذا الليل قصة خطيرة = ومن هولها ياناس شفت العجايب
حبيت لي بنت ٍ ولا هي (ب) صغيره = زود الحلا فيها وكثر الوهايب
حبيتها من قلب صافي السريره = وعشقتها وأقسمت ماني بخايب
مكذب عليكم مرة أوقاتٍ مريره = وأوقاتٍ من هناها القلب طايب
هي بنت عز وعند أهلها أميره = ومن دلعها اليوم أنا ياناس ذايب
ماهي قليله فيها كلمة مثيره = ماهو كلام مزوح ولا هرج سايب
في حبها ضيٌعت أنا من أيات ديره = وتلخبطة عندي أوراق القرايب
هي حبي الأول وهيه الأخيره = ومالي بهالدنيا سواها طلايب
لاغبت عنها صابني هم ٍ وحيره = مثل الغريب بوسط ناس ٍ غرايب
شيبت وأنا شباب ٍ يالله الخيره = من عقب عمر الزهور اليوم شايب
هذي المها زينة بنات العشيره = ومن دون فرقاها تهون المصايب
مرتاح في حبها ولا أبي غيره = ولو حلفوني تب فلاني بتايب