|
بيع 150 نجمة في السماء لسعوديين وسعوديات
تحمل 150 نجمة في فضاء الكون أسماء سعوديين وسعوديات حرصوا على شرائها وتسجيلها في "الوثيقة الفلكية" التي تصدر عن "إنترناشيونال ستار ريجستري" وفق خطوط طول وعرض تم الحصول عليها من قبل وكالة ناسا الفضائية . وتقول مديرة المنظمة في الشرق الأوسط رانيا القاسم في اتصال هاتفي مع "الوطن" من العاصمة اللبنانية بيروت "إن النجمة شيء رمزي سعرها بسيط ومعترف بها في الولايات المتحدة وبريطانيا وسويسرا , وموثقة وفق خريطة فلكية يتم الحصول عليها من قبل مرصد هابل العالمي ويعطي للمشتري شهادة تؤكد له الموقع والاسم". وتشير القاسم إلى أن أسماء السعوديين والسعوديات تأتي ضمن 900 شخص عربي قاموا بشراء نجوم في فضاء الكون وإطلاق أسمائهم عليها, انضموا إلى 750 ألف شخص في العالم قاموا بشراء نجوم أيضاً من بينهم مشاهير عالميون مثل ولي العهد البريطاني الأمير تشارلز وزوجته الراحلة الأميرة ديانا والممثل العالمي الأمير توم كروز, ونظيره سلفستر ستالون وأيضا المغني العالمي ألتون جون. وتساعد المنظمة في تحديد مواقع النجوم بإطلاق أسماء عليها بعدما كانت الأرقام هي وسيلة التعريف بموقع النجوم بعد كل عملية رصد فلكي . ويستثنى من عملية البيع 350 نجما لامعا يمكن رؤيتها بالعين المجردة من عملية البيع والتسمية نظرا لكونها مسماة أساسا منذ بدايات الاكتشافات الفلكية. وترى المنظمة أنه مازال هناك متسع من الوقت لشراء النجوم من قبل سكان الأرض لأن أعدادها تبلغ قرابة 100 ألف مليون نجمة, منها 4000 نجمة فقط يمكن رؤيتها بالعين المجردة. وتعتمد المنظمة في بعض الأحيان على شهر رمضان في تسويق بيع أسماء النجوم للمسلمين حيث تؤكد بأنها ستحول 20 % من قيمة النجمة لصالح الأعمال الخيرية. **** مو أبونورة يقول / الحب كله لو جمع عشر ذرة .. وإللي بقلبي لك ملايين ذرات... إحساسي لك كوكب تعدى المجرة .. في هالفضاء شيد لنفسه مجرات! وش رائكم أنتم تشتروا لكم كم نجمة !!! ترى العدد محدود !؟ |
أمرهم مضحك .. ويُبكي .. المضحك في غبائهم .. وشرائهم لها .. والمُبكي في غبائهم .. وشرائهم لها .. حتى النجوم يبيعونها .. أنا لو بشتري .. بشتري واحدة بس تكون على مسارين وتكون مطله على القمر ... الحمد لله أصحاب العقول في راحة يعطيك العافيه أوبند مايند .. وعلى قولتك أهم شيء الإحساس !!! تحيااااتي |
الحمد لله على العقل
وهذه الأشكال هي التي تشوه صورة السعوديين ولو كان اطلاق الإسم بسبب مخترعات علمية واكتشافات فلكية لكان الأمر مشرف ويدعونا الى الفخر بهم ولكن هذا يدل على البذخ . وانه يوجد فارق كبير في طبقات المجتمع والدليل انه يوجد في السعودية من يموتون من الجوع والفقر ومن يريد الدليل فل يتصل بي شكراً اوبن مايد |
الحقيقه ان العقل نعمه ومن كثر الدراهم قامو يشترون النجوم الحمد لله على سلامه العقل
|
اصلا فيه سعودين انضحك عليهم في بيع مخططات وهميه على الارض
وكثير ويا كثرهم وعلى فكره يا شباب ترى عندي مخطط في القمر يقع في كورنيش مدينة الاحلام مدينه ما تعرفونها ومزود بكافه الخدمات الضروريه كهرباء ماء تلفون جوال ومدارس ومسجد وحديقه عامه سارعوا فالكميه محدوده مكتب سعيد العقاري ابها - شارع الحزام 0555919291 تحياااااااتي |
ليه ياشباب .. ترى الفكرة مو هالقد بطالة ...!
وبصراحة هي فكرة بقد ماتحمل من خيال بقد ماتعبر عن معاني عاطفة عميقة .. فأنا اعرف شخصياً مثلاً ناس اشتروا لآبائهم وأمهاتهم وفي مناسبات مختلفة نجوم بأسمائهم ولك أن تتخيل كيف حتكون اللحظة إللى تفأجي الوالد أو الوالدة ... بصراحة حركة خطيرة ماتنوصف !!!!! بس يمكن قبول الفكرة يتفاوت من مجتمع أو من شخص لأخر...ولو أختلاف الأذواق لبارت السلع! تحياتي للجميع وكل أحترامي لآرأيكم.. |
السلام عليكم ورحمة الله وبركاته
اخت اوبن مايند بارك الله فيكِ
الموضوع ليس بالغريب لهذه الدرجه فقد سبق أن أشترى أحد الأثرياء السعوديين منديل المغنيه ( أم كلثوم ) بما يقارب السبعة ملايين ريال أو يزيد !!! والآن وصل بنا الحال إلى أن نشترى النجوم في السماء !!! الشغله مربحه وأعتقد لو بيع الهواء في قوارير لوجد من يشتريه فلا تستغربوا من من يشتري النجوم في السماء . مع أحترامي لوجهة نظرك ولكن هل تعتقدين بأن مجتمعنا وأخص القبلي يقبل مثل هذه الأشياء ... تخيلي تقاسيم ذلك الشايب عندما أحضر له قسيمه ملكية لذلك النجم الفلاني في السماء وماذا سيكون رده ؟ بكلام الديره ( ايذاها تيه غربتك ) فكري إنك أو تسترجل ظيعة خليقة الله إم أييك تجبل لي ( بنيم ) بنجم أشتريته في السماء !!!! كنت أعطيتني انا الدراهم وأعطيك كل ( النيوم ) النجوم اللي في السماء وأكتب لك عليها ورقه أنها لك ..... |
سلمت يداك اختي اوبن مايند
احب ان انوه على الاخوه اخواني لا يحق لنا سلب الاخرين حرياتهم لم يفعلوا ما فعلوا إلا من قناعة تامه دام نبضكم مسبحا |
اوبن مايند بارك الله فيكِ
الحقيقه انها فكرة حلوه يكون للشخص نجمه بس تكفين دوري نجمه على مسارات تجاريه محتاجها باسرع وقت بس كم السعي حقك من هالعمليه تحياتي دباس الجارح |
)OPEN~M!ND( هي صح فكرة رومانسية مرة والله عجبني فكرة إن أحد أحبه يشتريلي نجمة هههههههههه .. بس ماراح أحد يشتريلي ياقلبوووو أصلاً اللي أحبه بنظري بيكون القمر .. ومادام معايا القمر ............. ولأنه الآن ماعندي ولا قمر خلاص باكتفي بالنجوم ولأنه محد راح يشتريها لي .. خلاص انا باشتريها لنفسي .. ياجماعة ......... النجمه اللي جنب النجمة هذيك اللي على يمين القمر وانتوا رايحين على الشمس بمقدار 65ْ في الجنوب الشرقي لا حد يطالع فيها تراها حقتي ولا حد يشتريها تراني شريتها خلاص قسم بالله اللي يفكر فيها مجرد تفكير بس يا ويله !!! ولقد أعذر من أنذر <<<<<<<< تهديكم أرق تحياتها .. |
مالك داعي العنا ما اخترتي الا اللي اخترتها ما يصير انا امس منشن عليها
تدفعين الفرق ما عليش اما تاحذيها لا احم ولا دستور لا والف لا شوف يا ناس ولا اختارت الا اللي على بعد 65 درجه من الشار ع التجاري طريق الشمس وين صاحبة المكتب العقاري اوبن مايند شوف لنا حل الله يخليك تقبلوا تحياتي |
معليش دباسوووو
أنا دفعت الثمن خلاص وعلى المتضرر اللجوء إلى القضاء خخخخخخخخ |
اذاً فهي حرب النجوم بيني وبينك
لان القضاء هالايام ما عاد ينفع ليش عندنا بالسعوديه يجلس الواحد يطالب سنين من شان مطالبته بالف ريال ولا الفين وفي امريكا المحامي يخرج المذنب ويطالب بحقوق التشهير وفي الامم المتحد الله يخلف بستثني الامريكان من اي محاكمات دوليه وبعدين ميلزوفيتش كم له متنعم في محكمة لاهي وصدام ما ندري وش يصيرله وشارون بيلعب على كيفه من شان كذا ما بيني وبينك الا حرب النجوم لين استرد نجمتي |
ما شالله هههههههههههههههههه ياماما حسيت اني في مغامرة قراينديزر وانك من وحوش فيغا المخيفة !!!! ايش هذا يعني انت تخوفني هاااااااا ؟؟؟ حرب نجوم حرب نجوم حنا لها !!!
حنّا هل الحرب والكلمة نبرهنّــا = مكة وطيبة لنا وإنا وغصبنّــا !
بعدين تراك تتكلم في السياسة طبعاً انت ما تخاف لأنك من أصحاب المؤسسات الحكومية مستوصفات وحركتات وما خفي كان أعظم ... ههههههههه .. تلقاك بس خايف من العين @@ اتكلم على كيفك لكن انا مالي شغل <<<<<<<< شجاعة وترا حرب النجوم ماراح تنفعك .. أقول انسى أمر ذيك النجمة أبد ماراح أعطيك إياها نجمتي هذي نيمتي أبيها أحبنها ماراح تقدر تاخذها مني انا معايا مركبة قريندايزر ودايسكي مستعد إنه ينطلق ويدافع عني في الفضاء هو وكوجي كابوتو لكن انت من وحوش فيغا اللي دايم تنهزم في النهاية ههههههههههههههههههههههههههههههه اتقي شري احسن وبلاش حرب تراك مو قد الحرب يا معوووود وفي النهاية بتطلب عقد مؤتمر قمة و تطلع بدون نتيجة وبرضو باخذ نيمتي !! |
لا الحاله خطيره من جد
ما ينسكت عليها كلام كبير وكبير قوي بس عندي كم حل في البدايه انا راح ارسلك رئيس الجهاز الامني من شان يقنعك بالرضوخ لمطالبي مثل ما تسوي مصر مع كفرات من شان يرضخ لمطالب شارون ولا يفشلهم امام بوش بعدين يزعل ويقطع الامدادات عنهم ولا اقلك ارتبلك محاولة اغتيال بس مو فاشله مثل راعي الكتاب الاخضر ولا احسن شي اسويه اجيب واحد واحطه عندكم واسميه الزرقاوي وكل يوم غاره جديده وهيه راح تروحين فيها وانا متأكد من ذلك وياويلك ياللي تعادينا يا ويلك ويل بالله صبوهالقهوه وزيدوها هيل صبوها للنشاما على ظهور الخيل |
| الساعة الآن 06:22 PM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir