أقفيت عنّك .. أشيل بْخافقي جرحك=في القلب لوعه .. وفي المكحول عبراتي
رميت رمح العذاب .. ولا خطى رمحك=وسط الاساويد..مزّع يا الغلا ذاتي
رحبت بك وبْقصيدك.. يا هلا بذبحك=وثّق طعونك .. ولا تحسب لحالتي
وان كان جرحي .. سبب في سعدك وفرحك=والله أصحّي جروحٍ لي قديماتي
واصبر.. على جور ظلمك واسبق لصفحك=واعذرك .. من قبل لا تبدي اعتذاراتي
وش يعقب الليل .. الا فجرك وصبحك= شفت النسايم .. مثلهم جرحك العاتي
لا لا يهمك .. عذابي دامه أريح لك=لا تْشيل هم الخفوق .. ولا به تحاتي
انا الذي من غلاتك مغلي(ن) جرحك=والوذ به بعثره .. وآلملم شْتاتي