تصدق ماهقيت اني اشوفك بعد هالغيبـه=غريب اليوم وش جابك كثيره راحت اعوامي
حبيبي هو صحيح انك معاي او طيف واحكي به=او ان الشوق كالعاده يصحيني من احلامـي
اناظـر فيـك بعيـونـي .. اردد .. لا اهذري بـه=تصدق حتى هاللحظه ماصدّق وانـت قدامـي
تعبت انشد عن اخبارك صرخت اسمك انادي به=ألا يامعذبي وينك ذبحنـي جرحـك الدامـي
امل لقياك خلاني بعد ماكنـت أحيّي به=تركني للزمان اللي عطاني جملـة اوهامـي
اخايل طيفك وفكري عيـون الليـل تسري بـه=على حد الخفوق اللي يعاني الشوق وهيامـي
حبيبـي لاتعذبنـي كفـاه القلـب تعذيبـه=كفا ماصابني من هم واحـزا ن وآلامـي
هلابك كثر غيباتـك هـلا بالحـب والطيبـه=هلا يافرحة سنينـي هـلا ياحبـي السامـي
افز اقوم من نومـي ارحـب بـه واهلي بـه=اثر طيفه يحاكيني واحسبـه صـدق قدامـي

هلابك كثـر غيباتـك هـلا بالحـب والطيبـه=هلا يافرحـة سنينـي هـلا ياحبـي السامـي
افز اقوم من نومي ارحـب بـه واهلـي بـه=اثر طيفه يحاكينـي واحسبـه صـدق قدامـي

تولعتـك تشوقتـك تصورتـك بكلمـة ليـت=تخيل كيف تجسدلي طيوف وحلـم ضميتـه
اخذني الشوق ياخلي على طيف الخيال وجيت=تداعب حلم في ليلي برمش العيـن غطيتـه