أبطلق ســـكـــون العاطـــفـــه وبربط للرموش عنان = أمشـــيـــها على كــيــــفى تطاوع نظرتى بعينى
وبأسرع فى دروب الشوف بروق(ن)مالـها هـــتان =عســــاى القاك فى بكره وأعوّدبك على حــينى
لقــيتك بالنظــر عالـــق على شـــط الضما هـــيــمان =سقيتك ود من عينى وزرعتك شــــوق بيديــنـــى
لـــمــســـت الوقت فى قربك حدود(ن) مالها أوطان =بها طــيـــفــــــك يعاتبنى عقب صوتك يصافينى
عــشقـت الــلــيـــل بعيونـــك عشقــته والهوى سلطان =وكرهت الليل بعـــيـــــونك أخافه يحرق سنينى
تـــــمـــــوت أيامى بــيــومـك وسببها كثرة النسيان =واليا منك ذكرتيـــــنى لك الذكــــرى تنسيـــنى
تعيّشنى على المـوعـــد أطالــع حــظى بالمـــيـــزان =أقول اليوم أو بكره على وعدك تـــــلاقـــيــنى
أبكسر بك جمود الخوف حروف الرهـبـــه والخجلان =عساها تخدش أحساسك وتاخذ طعنتك فينــى
صرخت وصرختى خرسا وش اللى غير الانســـــان =علامة حــــبـــــه الــطــاهر بدا بطبعه يجافينى
وعرفت انك طفل ضايع غروره حولــــه شــــــيطان =يرغبنى أعشق ابليس وأساوم له على دينــى
أنا حر(ن) عزيز النفس صعب منك فى يوم أنهان =رضيتك تمشي (اب) خلفي ولارضي انك تباريني

عشقت الليل بعيونك عشقته والهـوى سلطـان=وكرهت الليل بعيونـك أخافـه يحـرق سنينـى

تعيّشنى على الموعـد أطالـع حظـى بالميـزان=أقول اليـوم أو بكـره علـى وعـدك تلاقينـى

صرخت وصرختى خرسا وش اللى غير الانسان=علامـة حبـه الطاهـر بـدا بطبعـه يجافينـى

ليه ما قمت أحس فيك الأشواق=ليه قمت أحس كلك برود بعناقي
ماعدت اشوف الدمع حاير بالأحداق=وما عدت أسمع : (( عقبك الصدر ضاقِ ))
ماكن لنا بالحب قصه وميثاق=وان الوفا بالحب إحساس راقي
أحلفك للحين بالقلب عشّاق ؟=أبغا الصراحه ما يفيدك نفاقي
مابيك تضحك كلما خاطرك راق=وإذا تعكر !! ضعت وسط التهاقي
لا يا حبيب القلب ما عاد ينطاق=لا شك صدك والهجر ما يطاقِ
خلك صريح وقول وين الهوى ساق=ترى تعبت وملت المشي ساقي