على ذكر المواجع والسفر والحل والترحال=طويت اخر ورق عندي بقا من دفتر احزاني
طويته وانجرح خاطر وقلبي بالمواجع سال=ودريت ان الظلام اللي تحت كف السهر جاني
وجلست اجمع مسافاتي واغـني للسفر موال=على صفحه من الماضي بها حلمي وعنواني
بها كم سافرت عيني ليالي والظلام اهوال=ولها كم سافرت روحي وانا بالليل وحداني
حبيبي ليلة البارح مشيت من الغرام اميال=وراك وفـلـّت الذكرى شعرها لين غطاني
وجلست امشط ظفايرها على كتف الظلام وطال=تخـّيل من شعرها كل خصله لي وطن ثاني
حبيبي كل ماشوفك تجي بالذاكره تختال=نهر من كوثر الذكرى يجي من فايض أشجاني
أروح لسدرة الموعد وأجيب لجيدها سلسال=واخاف انك تجي قبلي وترحل قبل تلقاني
تخيّل يوم عانقني خيالك خاطري وش قال=تخيّـل قبل أسولف لك نشدّني عنك وجداني
نشدني لين خلاني مدينه هزها زلزال=تخيّــــل ماهدى حتى لقاك بوسط شرياني
هنا...كانت نواظرنا سوالف في كلام اطفال=وهنا كانت عصافيرك على دربي تحراني
وهنا شف باقي أثارك على رمل الوعد مازال=وهنا..شف دمعةٍ طاحت من عيونك على شاني
حبيبي لا تنشّدني عن أوضاعي وكيف الحال=أنا بعدك سحاب أبيض أضم الريح بأحضاني
غلاك بدلّة الذكرى بهار وهاجسي فنجال=تقهواه الجروح اللي بها ذكراك تنعاني
تسافربي وأحسب أني وصلت أخر وطن بالبال=وأثرني ماوصلت ألا بداية درب حرماني
وتبقى سيرة الذكرىقصيده تكتب الترحال=سوالف للعيون اللي صداها دمعة الساني

حبيبي لا تنشدني عن أوضاعي وكيف الحال***أنا بعدك سحاب أبيض أضم الريح بأحضاني


الله الله الله

أخي سعيد العمري
هنااااااااا وجدت الروعة والجمال والشفافية

سلم قلبك وصح لسان قايلهااااااا

لك منا عبير الورد

تحياتيyya)
الفراشة

تخيّل يوم عانقني خيالـك خاطـري وش قـال = تخيّل قبل أسولف لك نشدّنـي عنـك وجدانـي
نشدني ليـن خلانـي مدينـه هزهـا زلـزال = تخيّل ماهدى حتـى لقـاك بوسـط شريانـي