|
ترحيبة يتعب العداد في عدها
السلام عليكم
هذه الابيات القيتها امام ضيوفنا في الرياض اللي حضروا من خارج الرياض وشاله المنشد المبدع خالد بن هضبان ........................ يالله يارب ياللي بأمرك البرق ناض ثبت لساني على الحكمه وأنا اعدها من بعدها مرحبا يا ضيوفنا في الرياض ترحيبة يتعب العداد في عدها يشبه لها طلع ذاك الزهر وسط الفياض اللي سقاها سحاب الوسم في خدها وأثني التراحيب يا قلوب غشاها البياض تبني جسور التواصل ما تبي هدها هذا إجتماع التعارف ما عليه إعتراض وأكيد يمنى المؤده وافي مدها لأجل النشاما نقربها طوال وعراض ونقدم المعطيات اللي على ودها في معرفتكم فرضنا كل شيء إفتراض حتى تبين النوايا من ورى سدها وأنا احمد الله ما فينا قلوب غياض الكل مبسوط والفرحه على أشدها غرمان بن عزيز |
|
صح لسانك أبو محمد ..
ترحيبة رائعة من شاعر رائع .. الكلمات في قمتها والمعاني سامية وللمناسبة وافية .. جمّلت وتجمّلت بهذه الرائعة وأضفت بها على الحضور قيمة وجمال .. أداء المنشد لها حملها لمكانها الصحيح فظهرت بتألق كبير .. منها للأجمل ولك تقديري .. |
وعليكم السلام ورحمة الله وبركاته
صح لسانك..أبيات رائعه شكراً لكـ |
*** الشاعر غرمان شاعر يتحكم بكل أدواته الشعرية أيما تحكم .. شكراً ي شعر تحيتي وتقديري . |
صح لسانك شاعررائع
ولك التحيه |
صح لسانك يا ابو محمد جزل ووافي
ومن دواعي سروري اني حضرت هذه المناسبة وتشرفت بمقابلتكم بيض الله وجهك |
الرائع المبدع غرمان صح الله لسانك وزود شاعر الحكمه والإعتدال متعك الله بما وهبك رغم صعوبة القافيه الا ان المتمكن متمكن لاتجد فيما يقدمه خلل ولا تجد فيما يستعرض زلل ولو وقفنا عند مايتعب احصاءه وعده و أمتدحنا توظيفه كان لزاماً التعريج على الذكاء في تثنيته ولا خلاص ولا مخلاص والقصيده وافيه ومليئه بالجماليات زادتها صعوبة القافيه جمالاً وبهاءاً لاإختلاف على تمكنك في هذا المذهب ان لم تتسيد صدارته بجداره اينما تحل نجد الملعب ملعبك نص فخم تليق به شيلته....أبدع المنشد في إخراجه وإنشاده بما تناسب معه من اللحن اعجبت بما وجدت هنا نص وشيله وكانت متعتي بالقراءه بقدر متعتي بالإستمتاع صح الله لسانك ملايين ياخوك وأبيض وجه ... تقديري |
صح لسانك وسلمت من كل شر .
ابدعت ويستاهلون الضيوف . بارك الله فيك . |
من أجمل ماقرأت وسمعت ...
يعطيك العافيه وياليت اعرف احفظ المقطع |
الله عليك يابو محمد سلمت ولاهنت وجمل الله حالك دائما تعودنا مثل هذه المفردات الرائعه تحياتي لك |
صح الله لسانكـ
شكرا لكـ |
| الساعة الآن 07:25 PM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir