|
في كفها خاتم وفي خدها خال
في كفها خاتم وفي خدها خال
وفي عينها غيم وعمارات وبيوت الخال شفته واضحٍ من ورى الشال والخاتم الماس مرصع بياقوت والعمر في العشرين كني مانيب زال والجسم كنه من جبل ثلج منحوت جبل ولكن لا طرقه الهوى مال وخطواتها ماهي بالأمتار بالفوت ماهي تشوف الشمس من ظل الأظلال ومصيافها ما بين لندن وبيروت الشمس لو تشرق على جسمها سال كنها مجسم محلبيه وبسكوت ومن صغر مبسمها شقى حالها الحال ما تأكل إلاّ اللوز والخوخ والتوت ماهي تشوف الناس تمشي وتختال ومرٍ على جاكور ومرٍ على حوت وخدامتين وهي بلا زوج وعيال وسمعتها تدعي الدريول يياقوت وثلاث جوالات ماهو جوال ومن يوم خلقت كل شيٍ بريموت لكن قلبي مالها فيه مثقال وش قرب البشت الحساوي من الكوت حوريةٍ من فوقها الليل شلال كنها صبحٍ فوقها الليل مكتوت قلبي لها من كثرة الشوق مشخال وللسر عن كل المخاليق تابوت تنحت لي من الحب في القلب تمثال وحبي لها ينحت على الساحه بيوت في عينها ماكل رجال رجال وأقصى حدود الوصل في سلمها الصوت زودٍ على القلب وعلى الحسن من آل روسٍ لهم روسٍ على متونها بشووت إلى رضت موتوا يا أهل روس الأموال وإلى زعلت جربت وش سكرة الموت من دونها رجلي وراكب وخيال والسيف والأمواج والبحر والحوت م/ن |
تسلم اخي الكريم
وصح لسان قايلهافقد ابدع في الوصف، الله لايحرمنامنهم فهم اجمل هديه سماويه وهبها الله لآدم كل شي فيهم جميل وله وحشه عندمايغيب عناحتى مناقرتهم هههههههه ولهذا لاألوم الشاعر؟ شكراً ولك التقدير... |
أبو خالد
نيابة عن الشاعر صح بدنك وتقبل الله دعاك الطيب ي الطيب ولا شكر ع واجب |
من دونها رجلي وراكب وخيال
والسيف والأمواج والبحر والحوت شكله طب في نعمة ما يعلم به إلا الله تقديري |
أبو سيف
هههههههههههههههههه شكراً لك ع المشاركة ، والله يعطيك العافية |
إختيار رائع
صح لسان شاعرها الف شكر لكـ |
قصيده غزليه جمييييييله ولو ان فيها مبالغات كثيره هههههه
يعطيك العافيه سهيل |
عــذبــة الـــروح
نيابة عن الشاعر صح بدنك ولا شكر ع واجب ، بارك الله فيك |
الريم الجفول
أكيد غزليه وشكراً لكي ع المشاركة والله يعافيك |
شكراً لك على المشاركة ، والله يعطيك العافية
|
جارة المصطفى
أقدر لكي المشاركة ولا شكر ع واجب والله يعافيك |
| الساعة الآن 09:06 PM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir