|
تغريدات.. ( ٤ )
تغريدات.. (4)
المنطق الغانم صعيبٍ و حسّاس والسّهل كُّل السّهل في المنطق الشّين ما كُّل من في السوق يشرون الالماس لكن هل السكراب حولك ملايين # ابو فارس # ........................ التقنية جتّ بالفتن والمهازل منها هلَ الرجّال ما هم بملْكة كم غافلٍ صُوِّر و في النتّ نازل و اليوم في فمّ الملايين عِلْكة # ابو فارس # .................. اتحوشنا الايام صوب المقادير وتسوقنا سوق الدبش للمراحي غصبٍ علينا ما تفيد المحاذير من ذا سلم من دنيته واستراحي ؟ # ابو فارس # ....................... الموت يهجم ع البشر هجمة الذيب اليا عدى وسط الغنم واخذ شاته لكنها تنسى الغنم عقب ما يغيب الين ما يرِدّ ويكرر سواته # ابو فارس # ...................... يالله يالي نحسن الظنّ به دوم يا قايلٍ ظنّي مع ظنّ عبدي نخطي ولا احدٍ مالخطيّات معصوم لولا السِتَر ما كان في الناس نبدي عفوك وسترك والرجا فيك محتوم انت الذي عفوك ضما كل كبدِ # ابو فارس # ....................... يا ناشد عني ترى الحال جنّة لا صرت مبعد عن وجيه المقاريد اللي يقابلني ويضحك بسنّة لكن بصدره مثل فوح البراريد # ابو فارس # ..................... يا ليت بين قلوب كل القرابة ولفٍ كما ولف البيوت القديمة اللي حجرها ما يفلّت ترابه مترابطه عزٍ و منعة و قيمة # ابو فارس # ....................... حن وجدنا بها الدنيا محطّة عبور كل منّا ايتحرّا لين ياتي سراه الحزن ما يدوم ولا يدوم السرور ما كتب في جبين العبد عينه تراه والفطن من يعدّ لمسكنه في القبور يعمل الصالحات اللي تعطّر ثراه # ابو فارس # ....................... حاولت انقّي مالفرايد والحكم واعوم في ابحور القوافي والقصيد وانضم لك امن الدرّ عقدٍ منحكم يزها بجيدٍ فارقٍ عن كل جيد نضمت لكن ما يجاري ملحكم يا زهرة ايامي و يا عمري الجديد # ابو فارس # ...................... لا شفت بعض البشر تحتار في وضعه الودّ ودّه ولو ياكِلْك بعيونه لا نلته ابضُرّك و لا نالك ابنفعه ويش لون لو روحك ابيمناه مرهونه # ابو فارس # ....................... |
درر يابوفارس حقيقة درر واتمنى ان تختار درجة خط اكبر شوي صح لسااانك .... تقديري |
أبو فارس دائماً رائع وصاحب شاعرية مميّزة ..
صح لسانك ولك تقديري .. |
ويستمر الابداع صح لسانكـ شاعرنا الكبير |
اقتباس:
ما عليك زود صح الله بدنك و لا هنت على كل، حال.. |
صح لسانك واعتلا شانك ..... |
رووعه ماشاء الله
صح الله لسانك وننتظر جديدك |
ابو ريان
المهندس الاخطبوب الريم الجفول أسعدني مروركم وانتوا أهل الذوق والإبداع شكرا لكم كل باسمه ولا هنتوا |
اختيارت وكلمآت جميله
صح لسانگ. وتسلم ايديگ |
أبيات رائعه ماشاءالله
صح لسانكـ...شكراً لكـ |
ابداع
صح لسانك تغريدات في قمة الروعه تحياتي لك |
عطر الحكي
عذبة الروح صالح العمري اسعدني مروركم والله يصح ابدانكم يالغالين |
تغريدات رائعة وجميلة وليست مستغربة منك .
صح لسانك الوف . |
| الساعة الآن 06:30 PM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir