منتديات بني عمرو

منتديات بني عمرو (https://forum.baniamro.co/index.php)

- همس القوافي (https://forum.baniamro.co/forumdisplay.php?f=137)

- - وصايا (https://forum.baniamro.co/showthread.php?t=102989)

الطيب والصحبه لها وجه وجاه
وحكاية ابشر دون معنى مشكله
ان كان ما صاحبك يلفت الإنتباه
بأفعاله الزينه لزوم تبدله
دور لغيره صاحب يسعد نباه
وان مال حملك في اللقاء يتحمله
وأصمت اذا خصمك تزايد في لغاه
يمكن بعض الأحيان صمتك يقتله
وأحذر خويك لا تذمه في قفاه
دور لعذر يعذره و يجمله
وأكسب رضى ربك ودور للنجاه
خير من التعقيب بأشياء مهمله
يقولها غرمان والمقصد وصاه
لأخواني الغالين وأصحاب الصله

صح لسانك ماقصرت وصايا ثمينة بارك الله فيك .

صح الله لسانك أبو محمد وعز الله إنك صدقت ..
كلمات رائعة وموزونة نظماً ومعنى ( ووصاة ) ..
بيض الله وجهك ولك تقديري ..

صح لسانگ
كلمآت جميله ..

أبيات رائعه ماشاءالله
صح لسانكـ..شكراً لكـ