منتديات بني عمرو - في ساحة الشعر

منتديات بني عمرو (https://forum.baniamro.co/index.php)

- همس القوافي (https://forum.baniamro.co/forumdisplay.php?f=137)

- - في ساحة الشعر (https://forum.baniamro.co/showthread.php?t=101968)

في ساحة الشعر

في ساحة الشعر لا تسأل عن الوضع كيف
*************** *** وأسأل عن السوق واللي ورد بضاعته
يوم القصايد بضاعة شاعر ما يصيف
****************** عن محور الشعر والتصوير* بحمايته
معروف في حبكة المعنى ثقيل وخفيف
**************** ***** والشاعر الفذ* يرسمها على فاقته
يرقى بفكره الى الجزله بضلع منيف
******************* ويقدم الشعر لأهل الشعر في باقته
ما يقبل الهزل والمعنى يجيبه شريف
************** ***ويخاطب أهل العقول ويحترم ساحته
والشاعر الكفؤ عند الناس منزال سيف
*************** ** ماهوب محتاج يوم الناس في حاجته
وبضاعة الرخص في الاسواق مرسال صيف
******************** وقته قصير ومضمونه على ساقته
واللي جلبها بسوق الشعر ماهو يضيف
******************* ليته تريح ما دام الضعف في طاقته
والشعر حزمة مشاعر في يدين العفيف
******************* * ** منها تفوح العطور وريح ريحانته
وانا دخيلك ياراعي الشعر فوق الرصيف
******************* لا تشغل الناس والمقصود في خانته
ترى مزاج البشر ماهو سوى يا حريف
****************** وأذواق الاصحاب بعض احيان متفاوته
والعنصريه لها دور ولا هو طفيف
********************* لا والله الا ترد الشخص عن طاعته
حتى لو انك مجرد قلت بيت ضعيف
********************* ولا قصيده تميت القلب في ساعته
يقلون لك ويش هذا الداهيه يا لطيف
******************** رتويت يا اصحابنا والصمت شماعته
وانا الى من سألني راعي الشعر كيف
******************* ** * اقول له كل سوق نعرف بضاعته
******
*************************** غرمان بن عزيز

الله على نفحات الدرر

غرمان بن عزيز لا فض فوك

ابدعت واتقنت
صح لسانك وعلا شأنك

الله يصح لسانك ويسعدك

حتى لو انك مجرد قلت بيت ضعيف
ولا قصيده تميت القلب في ساعته
يقلون لك ويش هذا الداهيه يا لطيف
رتويت يا اصحابنا والصمت شماعته
وانا الى من سألني راعي الشعر كيف
اقول له كل سوق نعرف بضاعته

بيض الله وجهك أبو محمد ..
الحقيقة بأن القصيدة نور على نور وبينت وأوضحت معنى الشاعر وشِعره ..
ومن هو الشاعر وماذا يقول ومتى وكيف ؟
والأهم من أين لك هذا كسؤال خفي بالقصيدة ؟
نعم لساحة الشِعر أهلها ومن يعرف لها يحتلها ويبدع بها ..
للأمانة أنت أحدهم فإبداعك مشهود وموجود وأتمنى لك التوفيق الدائم ..
هذا البيت راية شِعر حقيقي :
معروف في حبكة المعنى ثقيل وخفيف
والشاعر الفذ* يرسمها على فاقته

بيض الله وجهك وصح الله لسانك ولك تقديري ..

صح لسانك
أبيات رائعه
شكراً لكـ

ودي أقول صح لسانك ورتويت لكن أخاف يقلون عني عنصري . ههههههه

أبو محمد صح لسانك وخلهم يقلون اللي يقلونه .
انت شاعر مبدع وتعرف متى تجيبها .

شكرا لك .