منتديات بني عمرو - مركب النسيان..

منتديات بني عمرو (https://forum.baniamro.co/index.php)

- همس القوافي (https://forum.baniamro.co/forumdisplay.php?f=137)

- - مركب النسيان.. (https://forum.baniamro.co/showthread.php?t=101300)

مركب النسيان..

هلابالخير ياعينٍ غفت في مركب النسيان
وخلتني على شاطي الامل والنفس مكسوره
هلا بالخير ياورده يداعب صمتها الهتان
هلا ياغنوة الموسم سمت بالحان ابونوره
على اوتارالمعنى تعزفين من اعذب الالحان
إلي ماصرت قصه صيتهافي كل معموره
رسمتك لوحة(ن)تحتار فيها ريشة الفنان
جداريه على عوج المحاني دوم مستوره
لاني دوم وافي وادمح الزلات بالغفران
ولاني مارخص الغالي لوانه سارفي شوره
بريد متابعيني في التواصل بالمسج مليان
على ماظن في ساعه وصل مليون وكسوره
يواسوني من الي حلبي من ضربة الخوان
واناماكنت اظن انه بيوم يصيب عصفوره
كسبنامن سواتك يالغضي جمهوربالمجان
وصارو معجبيني كثروتخطيت فنتوره
لكن اسمع وخذماجاك مني ياغصين البان
ترا حناعرب في صفحة التاريخ مذكوره
تحدينا مشاهيرالعرب في سابق الازمان
مثل مجنون ليلى وامثله بالعشق مشهوره
وطوعناعُصاة الانس والجمناملوك الجان
وسرنا فوق ماي البحرواللنشات مدموره
تمهل يازعيم الروم واحذرثورة لبركان
ترى لاحل ميعاده تسير الناس مذعوره

صح الله لسانك أخوي أبو خالد ..
قصيدة رائعة وذائعة ومن أروع ما قرأت لك ..
يارجل أنت شاعر مبدع وتمتلك قدرات رفيعة جداً ..
أبدعت وتفننت وأعجبتني لغتك وقافيتك وشاعريتك ..
رائع وتسلم ولاهنت والله يعطيك العافية ..
تقديري ..

أبيات رائعه
صح لسانكـ

ما شاء الله عليك يا بو خالد شاعر ومتمكن بارك الله فيك وصح الله لسانك ولا تحرمنا من هذه الدرر لا هنت .

ابوريان وعذبة الروح وابوفهد
شكراً لكم على طيب مروركم االلي يعني الكثير لي
ولاهنتو الغالين،،
والله يسعد جميع اوقاتكم ولكم التقدير..