منتديات بني عمرو - مــن هــدّ داره ... قــلّ عـنـد الـنـاس مـقـداره

ثـلاثـيـنـي تــعــدّت والـهـقــاوي خـانـهــا الـتـعـبـيـرانّـــوخ هـقـوتـي تـــاره ... وأشـــد ركـابـهـا تـــاره
انـوّخـهـا واشّـــد ركـابـهـا .. وبـعـيـر بـأثــر بـعـيـرواشــوف الـوقـت يطحـنّـي رحــاه بـجـايـر اقـــداره
وابـوي يقـول .. قـدّر .. كـلّ شـي بهـا لزمـن تقديـرتـرى مــن هــدّ داره ... قــلّ عـنـد الـنـاس مـقـداره
يـابـوك الـحـرّ حــرٍّ والعصيفـيـر اسـمـه عصيـفـيـروانـــا خـابــرك حـــرٍّ تـفـهـم الـمـقـصـود بــإشــاره
تـرى طيـر الرخـم يابـوك ماهـو مـن حـرار الطـيـرولـو يعجبـك فــي حـومـه .. وجنحـانـه .. ومنـقـاره
ولو جاك من اعاصير الزمان المر( شبه اعصير)تـرفّـع خــل عـنـك هــروج ابــو نـــواس واخـبــاره
نسـيـت أيــام كـنّـا .. لاظميـنـا نـشـرب مــن الـبـيـرسـقـى ذاك القلـيـب الـلـي تصـافـق مـــاه بـحـجـاره
حـفـرنـاه بـيـديـنـا .. كلّـبـيـنـا .. عــودنــا وصـغـيــرزمـان ٍ كـان فيـه الـجـار .. يـفـدي بـوْلـده .. جــاره
ليـا اشـتّـد الهجـيـر نـقـول .. هـيـن تاليـتـه عصـيـررجـال ٍ مـا جزعـنـا مــن عـجـاج الـوقـت وغـبـاره
وعـزّ نفوسـنـا كـنـه يـقـول .. الـلـي يصـيـر يصـيـرعـلـى الـعـزّه مفاطـيـم .. وعـلـى الأقــدار صـبّــاره
تكـون بفمـك تمـره .. والنصيـب يسوقهـا .. للغـيـركـذا .. طبـع الزمـان اقشـر .. كـذا .. الأيــام دواره
زمـان ٍ عقّـب النشمـي علـى المركـى بنـافـخ كـيـروتـشـوف الـلـي يبيـعـون الـدجـاج الـيـوم صـقــاره
وانـا .. رجـل ٍ لمـح بـرق ٍ .. فهلّـل واكثـر التكبـيـروصـلّـى عالـرسـول احـمـد .. نـبــي الله ومـخـتـاره
جهـره النـوض واستبشـر يباسـه بالمطـر والخـيـربذاك الصيف .. واثر اكثر.. بروق الصيـف غـدّاره
لـقـى ثــروة شـبـابـه بـأيــد حـــظًّ يـعـشـق التـبـذيـررمــى باحـلـى سنيـنـه للهمـــوم وكـثــرة اسـفــاره
غرس نخل الصفاري بأرض ناس ٍ يزرعون شعيروفــي جـنـي الـرطـب عـيّـوا علـيـه يـجـنّـي ثـمــاره
وانـا مانيـب مـن يسكـت علـى ضيـم الغبيـنـه مـيـراشــوف ان الحصـانـي هالـزمـان تـنـاطـح نـمــاره
يقولـون العـرب .. خـلّ التعـجّـل واحـسـن التفكـيـروانـا راسـي لـعـب فـيـه الـصـداع وشـتـت افـكـاره
ولـــو هـدّتــك ياقـلـبـي سـنـيـن الــهــم والـتـعـزيـرتحمّـل .. لاتـكـدّر ..( ســدّ مــآرب) هـدّتـه ... فــاره
بسيـطـه ياذنـوبـي لـــو تـخـونـك شـرهــة التكـفـيـرعسـى ضيـم السنيـن اللـي مضـت بالعـمـر كـفـاره
ثلاثيـنـي تـعـدت ... حـلـم .. ماحصّـلـت لــه تفسـيـرانّـــوخ هـقـوتـي تـــاره ... وأشـــد ركـابـهـا تـــاره