منتديات بني عمرو - بيني وبينه

بيني وبينه وصل وأسرار وعهود

جعل السحاب اللي معه برق ورعود
يمطر على دارٍ وليفي سكنها

يسقي وطن منتوقة العنق يا سعود
مالي وطن بالعارض إلا وطنها

قلبي غدا واستيسره ليّن العود
محدٍ يفك القلب يا سعود منها

ساطي وفي كفه قديحه وبارود
وأدخل يده بين الضلوع ودفنها

بيني وبينه وصل وأسرار وعهود
مصيونةٍ ما تدري الناس عنها

في كل عام يزود حبّه بعد زود
اقفا بروحي والتوى في رسنها

أموت بين الخد وعيونه السود
وحواجبٍ ربّي بملحه قرنها

وشَعر بدهن الورد والمسك مكدود
جديلةٍ تضمني .. واحتضنها

ليلٍ جمعني به عسى ليت ويعود
يبعد عن النفس الحزينة حزنها

من أحاسيس وقوافي شاعر الوطن خلف بن هذال العتيبي