|
دسيسه وملعوب
الله من هم على الصدر منصب
*************صب الحميس اللي على النار مصبوب من هول فعله شب كل الحشى شب ******************** حتى ضلوعي كنها عود مشبوب واسبابها ماهوب عشق ولا حب ******************** ولا فراق اللي من الناس محبوب اسبابها غمر على المايله نب ********************** واغواه شيطانه وفتح له البوب مواطن مسلوب في المحتوى سلب ***************** *** دينه وعقله والحيا منه مسلوب خان العهود وقام بالشتم والسب ******************** يسب حكام وهو شخص مسبوب تايه وهو في المبتدأ ضيع الدرب **************** ** من سؤ حظه تاه في مفرق دروب يقول انا احارب هل الكفر والذنب ************************* ما يدري انه واقع بعدة ذنوب والحرب ماهو لأبله يجهل الحرب *************** **** الحرب له قاده وساحات وحروب ولاهو بسفك الدم في عصبة القرب ***************** ** حتى ولو الاقراب مليانه عيوب ولا هو حزام ناسف يقتل السرب ***************** * اللى في المسجد وملبوسهم ثوب واسلامنا ما فيه غش ولا كذب ************************ اسلامنا دين صحيح ومرغوب وانا حقيقه يا عرب صابني غلب ***************** *من جور هذا الفعل غالب ومغلوب والى متى يا ناس يا أمة العرب ***************** ** وحنا نعاني من دسيسه وملعوب يصيغها العدوان وتصب في القلب ******************** وعيالنا طاحوا على كل مطلوب اكثرهم اللي طب في الهاويه طب **************** يستقبل الفتوى على ظرف مكتوب ويغير الواقع ولو كان من الرب ************************* ويبدل السنه بتشريع مقلوب وختامها يا سامع العلم من قرب ******************** تابع عيالك لا تقول غيري ينوب ترى شباب اليوم في جوهم ثقب ***************** **** وافكارهم في قارب شبه مثقوب ********************* غرمان بن عزيز |
الله عليك أبو محمد .. قصيدة رائعة في سردها ومضمونها وكل فصولها .. الحقيقة بأن القصيدة بينت بجلاء كبير محتواها بإبداع شاعر يعي ما يقول .. شملت الأبيات جوانب عِدة من مقومات القصيد فبها الإستغراب والوصف والدعاء .. موضوعها متناول بشكل كبير كسوالف عامة بين الناس وخاصة هذه الأيام ولكن صياغتك لها شِعراً بهذا الأسلوب أعطى التميّز لك وللقصيدة .. فقط لي عتب صغير وهو مطلع القصيد .. الله من هم على الصدر منصب صب الحميس اللي على النار مصبوب يعني هو ليس بذاك السوء الكبير ولكن بصراحة هو أضعف الأبيات .. وأنت كشاعر متمرس كان بإمكانك جعل البداية أقوى لتتماشى مع قوة باقي الأبيات .. مجرد رأي وليس نقد .. صح الله لسانك ولك تقديري .. |
ابيض وجه يا ابو ريان
وبلاك ما ريت الحميس اللي سار البارح في الحاره عندنا شباب اعمارهم على 17 و19 و20 وكلهم مؤدبين ومواضبين على الصلاه وفجأه يمسكونهم مع داعش |
اكثرهم اللي طب في الهاويه طب
**************** يستقبل الفتوى على ظرف مكتوب بيت القصيد بيت عن ألف بيت صح لسانك وسلم بنانك شاعرنا القدير كفى الله شباب المسلمين شر الفتن... وأنجانا الله وحده من كل هذه المحن تقديري |
صح لسانك ياشاعرنا بارك الله فيك وماقلت الا الواقع المرير فحسبنا الله ونعم الوكيل .
|
اقتباس:
إذن أنت وظفت البيت ناتج شئ مرتبط بها ويخدم المعنى كاملاً .. ولذلك عذراً فقد نظرت للبيت بخاصية أخرى .. نسأل الله أن يصلح شبابنا وأن يبعد عنهم كل سوء .. تقديري .. |
ضاري الصياد
بيض الله وجهك وعساك ذخر والف شكر لمرورك واطراءك . ابو فهد الف شكر لمرورك ووجهك ابيض وعسى الله يصلح احوال المسلمين . ابو ريان على راسي والله انت لو شفت فعلا الموقف والله تنحرق اللي عندنا في الحاره واللي في مسجد الجمعه في اشبيليا واللي في الظهران شئ يحرق الفؤاد والله يقتلونا بفلذات اكبادنا حسبنا الله ونعم الوكيل . |
.......... شيء يوجع القلب والله.. صح لسانك .. |
صح لسانك ملايين
الله يكفينا واياكم شر من فيه شر ونسأل الله ان يحمي شباب المسلمين ويردهم اليه ردا جميلا ...شكرا لسموك... |
نبض
تراتيل شكرا لمروركم وعساكم تسلمون ويارب يحمي شبابنا ووطنا وشعبنا |
| الساعة الآن 08:29 AM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir