كم كنت جامح والبروق مسيّده
وتسوق ركبك للنزول وللشديد

واصبحت عودٍ في ظهره زويّده
تحويشته صفر .. وطموحاته نشيد

ابطيت ما اخطيت وخطاك اتصيّده
على كثر ما مّر من عاتق فريد

سلم على اللي لو زمانه بيّده
بأقصى ضلوعه شي لا يمكن يبيد

لو راودته الباشه المتسيّده
تلقاه ما يستنكر العيش الزهيد

والفت نظر بنت الرجال الجيّده
من واحدٍ لا يستزيد ولا يزيد

يوم الفوايد مااستفاد وحيّده
وان غاب مهما غاب ما كنه فقيد

وشلون تفرق سيّده من سيّده
إلا بعد فرق الشقي من السعيد

الطيبات قريّبه وبعيّده
وان شانت الايام ما رحنا بعيد

بيوتنا تحت الشموس مشيّده
وارزاقنا بيدين خلاق العبيد



ناصر