فج الخلا لاضاق صدرك علاجه ..
يغنيك عن بعض المجالس والإزعاج ..

سحابه البارح قفتها عجاجه ..
يلعب بها صلف الهواء مثل الأمواج ..

هبت هبوب مدورين اللجاجه ..
يفرح بزلة صاحبه كل هـراج ..

من غير سبـه عاقـدٍ لـك حجاجـه ..
لو إن ماله مع هل الطيب مـدراج ..

أثر العـوج دايـم يحـب العواجـه ..
لو ينعدل يرجـع لساسـه وينعـاج ..

مايستـوي طعـم القـراح وهماجـه ..
ولا يستوي نقع الصفا مثل هـداج ..

الله ولا منـة محـسّـب خـراجـه ..
شين اللغا ومن البطر لابـسٍ تـاج ..

والله مايذبـحـك يـاكـود حـاجـه ..
لاصار في وجهك حيا وانت محتاج ..

بالعسـر يسـر وللهمـوم إنفراجه ..
يجيلها من والي العـرش مخـراج ..

أرفـع يدينـك للسمـا ثـم نـاجـه ..
يظهرك لو دونك شبابيك وأسياج ..

درب السعادة في لقا أهل السعادة
وأنـتم هـلي يا عزوتي يا هل الذوق
راقـيـن فـيـكـم ذروة الـعــز عــــادة
بإحسـاسـكم ووجـودكم طبعنا فوق
..