|
الوعد النهائي إن شاء الله ، وستكون بداية إنطلاقة للأصفر البراق وعودته للبطولات مجدداً بحول الله ، شاكر ومقدر للجميع حضورهم ومشاركتهم ، وأمنعونا من بعض الألفاظ الإستفزازية والغير لائقة ، ولا تمسكون مخارج واجد ، لا تخلوني أحذف بالموضوع من ورى الشمس ، ودمتم في تواصل وثقافة وتقدير وإحترام .. . |
ولا يهمك ياعسل اخصم الثلاث نقاط رغم انها تعتبر نهائي كوني تغلبت واخذت بطوله لكن تفوز رايح جاي وياخذ الشباب الدوري 😜😜
النصر اكثر تفوق فالختاميات واكثر اولويات وصاحاب حضور مشرف وعالمي وانتم اصحاب حضور محلي ملفت للنظر ومدعومين ع مستوى عالي فيما مضى القادم الله اعلم |
اقول زين انها باقي تشيلك ركبك يوم دريت انكم ممكن تقابلون الهلال ع النهائي
خل الأولويات والكلام اللي ماله فائده معروفه ذي البطولة عليها شعار الزعيم |
يا غلاي اقولك الموسم قبل الماضي
اخذنا الدوري و هزمناكم بس ما كانت الجولة الاخيرة على العموم حنا متفقين انا المباريات مباريات دوري بس انت ترى انها نهائية و انا ارى انها مباراة 3 نقاط نقاش ممتع غلاي اسعدني النقاش معك |
نبغ الغلا
هدوء الله يسلمك يسود المنطقه والنقاش جائز ورويال صديق ع الورق واتقبل منه اي شي والنفس طيبه لن يضع النصر والهلال او غيرها من الانديه اي تحسس ابداً فقط نثري المتصفح بالاخذ والعطا والا وش الفائده من طرح الموضوع والنهائي قد يكون ديربي واللي يكسبه ماهي غريبه عليه وقد يحدث أمر ما يمكن يفوز الفيصلي 😜 ولا الرائد 👀 تشاااو |
اتفق معك ان العالمي اكثر فوز فالنهائيات على المحلي
ولا اتفق معك ان 3 نقاط بطوله الا ان تكون اخر مباراه فالدوري والفائز او المتعادل هو البطل المهاجر .. مكتوب فالكتاب الاخضر حق الاتحاد السعودي الهلال الهلال الهلال الهلال ثم باقي الانديه والدليل فشلكم خارجياً واخرها 4 اولسان على كل لسان ولو وصلتوا مستقبلاً فعقب ماشاب ودوه الكتاب |
الغالي : غلاي .. المفروض أنا اللي أقول لك هدوء الله يسلمك ، يبدوا أنك منفعل زيادة عن اللزوم ..! فلم أقول لك يا : .( شاطر أو يا بطل أو أحشره .... ألخ ). ، كما هو مُدون في بعض المشاركات السابقة في الموضوع .. عموماً : الله يقويكم خذوا راحتكم ع الآخر الموضوع مفتوح لأي تداخل وأي أللفاظ وأي نقاش داخل أو خارج الموضوع ، وسلامتك ، وسلامة الجميع .. وعلى فكره : إسمي .( نبع الغلا .. . |
هههههههههههههههههههههههه
الي يسمعك يقولون مقطعين اسيا كل سنة انتم بطولتين اسيوية فقط و حنا حتى عام 2002 ماخذين بطولة 6 بطولات انتم كم عدد بطولاتكم الخارجية صراحة تحرجون انفسكم انتم اخر ناس يتكلم عن المشاركات الخارجية وينكم بعد عام 1998 عطني بطولة حققتها |
^
هههههههههههههههههه ممتعين والهلاليه فالهم العالميه في المستقبل بس أهم شيء يذاكرون ويجدون من بدري لأن العالميه لايوج بها سوى كأس واحد للفائز :wink: ومنعونا من نبع لايحذف الموضوع ضيقه < ههههههه عسى مايفوز احد منهم ويقعد النهائي فاضي!!! ههههههههههههههه مودتي |
اقتباس:
دخولي في اي نقاش بنيه صافيه حتى لو لم اخاطب المعرف بذكر معرفه ولم اقصد هدوءك انت مافهمت قصدي المقصود ان الهدوء يسود المكان ولا فيه توتر او انفعال ولا غيره وطبعي كذا دائم من دخلت المنتديات وماذكر من الفاظ طبيعيه ولا أخذها الا بحسن نيه من الزملاء ولم يكتب شي يثير الشك عدا ما علقت عليه انا من سخريه او استخفاف فمتبادل بيننا واي شخص يناقشني ياخذ راحتك عدا ولن اغلط عليه اذا تحفظت على كلامه مثلاً فهو احترام للصرح ومن فيه |
ياومتي باقي تتقايرون :c
وربي المتعه ماتكتمل الااذا قابلنا النصر فلاتحسبون أننا كارهين فوزكم .. خلوا روحكم رياضيه وبالاخير كلنا سعوديين بالتوفيق للجميع..:wink_5: |
بطولاتك الاسيويه صحيح 6 اربع منها ع ارضك والاقوى بطولة ابطال الدوري كنت تلعب ثلاث مباريات والرابعه نهائي وبعد نسخة 2005 ماشفتكم الا حجز انتظار ليومك وانتم في عز قوة الفريق وللمعلوميه لعبتوا خارجياً 45 او 43 مره لم تحققوا سوى 12 او 13 بطوله ان ماخاب ظني غيركم خرج القليل وحقق المعقول ..
وعندما يكون العالمي في يومه سيحقق المطلوب رغم ان حلمك فالدنيا تحصل ع بيت والنصر حقق حلم عالمي بمثابة القصر عجز فريقك عن تحقيقه 13 سنه متتاليه تذكرت الطالب اللي يخفق سنوات ويتخرج شايب مصيره التقاعد بعدها |
يا اخي انت وينك بعد 2005
يا غلاي دايم اسال السؤال هذا حق اي نصراوي وش الشي الي حققته حتى تتاهل لبطولة العالم عام 2000 كاس السوبر الاسيوي عام 1998 و من ثم عمل مفاضلة بين جابليو بطل 1999 و تم اختيار النصر الهلال حقق السوبر الاسيوي 1997 يعني قبلك و حقق السوبر الاسيوي عام 2000 يعني بعدك وش الي خلاك تشارك و الهلال ما يشارك نبع الغلا كل الي يدور ما يتعدى نقاش بين اخوان يعني ريلاكس و انا اخوووك و ترى من زمان ما تناقشنا |
صار الموضوع تغاريد ..
وينك ياليالي تراتيل هنا 😜 النصر حقق ابطال الكؤوس ومنها السوبر ولم تعتمد بطولة اندية العالم الا بعد ما اكتمال نصاب الانديه المشاركه واعتمدت مالياً وبين شوطي مباراة النصر والفريق الكوري ابلغ مندوب الاتحاد الاسيوي الفريقين ان الفائز هو ممثل اسيا لو فيها تلاعب ما رحمك الاتحاد الاسيوي كان دز الفريق الياباني لكن الوصول قهركم وسلت اقلامكم تحارب الأولويات الى يومك ماهو عذر البليد مسح السبوره صحيح انك اخذت بطولات اسيويه بس مو ذنبنا انه ما اعتمدت بطوله ولا ميزانيه ولا استعداد الله ما يعطي الا مستحق .. شدوا حيلكم السنه الجايه ترى الفرق اللي اخرجتكم مسبقاً غير مشاركه عدا اول من طلعكم من نسخة 2005 نادي العين فهو موجود وصدقني ويعرف هالكلام اصدقاء هلاليه انني تمنيت فوزكم على اولسان بس فشلتوني 4 وفالرياض |
ليش تقول الفوز قهرنا
عالم غريب و الله المهم فريقك عاجبك و عالمي بالتوفيق الله يهنيكم خلونا على محليتنا الي تفحطون على شانها المناقر ماحبه حنا و انا خلاص كبرنا حبيبي غلاي مخلينه لعيال البي بي انا هنا اتناقش قهرناكم قهرتونا هذي مهب عندي فشلتونا ما حب النقاشات هذي انا احب اناقش الارقام و الاسباب و النتائج و البطولات و ارجع لناقشي تلقاه سؤال و لا اتعمد التشعب في الموضوع على العموم نلتقي في مواضيع اخرى ذات اهمية لي كمتابع رياضي تعنى بالنقاط التي ذكرت اعلاه اما غيره فلا يناسبني النقاش الا اذا اجبرت سأعود تصبحون على خير |
| الساعة الآن 01:46 PM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir