|
صباحكم سعاده
مرسي كتير كتير قلبت البت شاميه فديتكم يا سد وشيخه بس كنكم رسمين شويات بعدين وين تغليفات الاعضاء حتى هم رسمين متابعه لكم |
شيخة بني عمرو
نعود للجولة الثانية *- مواقف الحياة كثيرة 1- موقف طريف مر عليك 2- موقف حزين 3- موقف تمنيتي تكوني فيه .. شيخة بني عمرو مديرة منتدى *- طريقتك في تسيير دفة المنتدى ؟ *- لو حسيتي من عضو/ه انه صاحب مصلحة وفي النهاية ناكر جميل ؟ ردة فعلك معه . *- جاك ضيفان في البيت والوقت عجل ماذا تضيفينهم ؟ غير مخزون الثلاجة ؟؟ |
صباحكم سعاااااده
سد الوااااااااادي بانتظار اسئلتــــكـ بما اني آخر من طرح اسئلتي امس |
سسوري ماشفت الاسئله الابعد مانزلت المشاركه موقف طريف / مره كنت بالجامعه ومستعجله ابي اخرج والوالد محدد لي المكان الي يوقف فيه عشان الزحمه طبعا ينشبون لنا بطاقة العائله ومن هالكلام انشغلوا عني ظابطات الامن وقدرت افلت منهم وبقي الحارس نشب لي وقعد يلحقني الي ان وصلت لاابويه وهوينادي يابنت ارجعي يابنت ارجعي والله ابلغ عليك الهيئه يوم شاف ابويه وشافه رجال كبير كانه ارتاح وربي سترني مايكون سوى لي سالفـــــــه والحمدلله عدت بدوون فضايح .. موقف حزين / موت الوالده موقف تمنيت اكون فيه // الدفن # لوكنت مديره ..امممم باذن الله مااكون لان كل شي سيءفي المنتدى راح اتحمل اثمه انا . # امممم ..انا بالاول والاخير عضوه اقدم ماعندي ولا راح ابخل على احد بشيء سوا كان الشخص ذو مصلحه او لا ولا انتظر مدح او ذم من احد # بالنسبه للضيوووف غير مخزووون الثلاجه اكــــــــــيد انه المطعم :S_057: المطاعم على قفى من يشيل بتبووك |
سد الواادي لاحظت رحيل وصمت من بعض الاقلام المهمه بالمنتدى , فهل لهذااثرسلبي على قوة العطاء ومسيرته ؟ ام انه ظاهره صحيه لافساح المجال لاقلام لاتقل عنهم في القدره والموهبه ؟ *طفـل صغير مآت وآلدهُ وهو رضيـع وعآش الطفوله والمرآهقة من غيــر أب فهو لم يرى وآلدهُ أبداً .. وآخر مآت وآلدهُ وهو كبيــر بالسن .. سؤآلي ؟ من شعر بمرآرة الفقد آكثــر ..!! هـل من أعتآد على شيء ثم فقدة أم من كآن فآقد لـهذا الشئ وكآن يتمنآه ..!! |
السؤال الاخير السابق
حتى من غير مطاعم ؟؟ هذا حتى العزوبية بيسوونها . بس انتي نقول راعية بيت ؟؟ اقتباس:
الحقيقه كلاهما مر ولكن من كان فاقد لشيء وهو يتمناه اصعب وخاصة مثل هذا الامر لأنها امنية لن تتحقق ابدا . وخاصة عندما يشاهد اقرانه مع ابائهم اعتبرها في حد ذاتها مصيبة عليه |
حوار جميل من شخصيتين راقيه ومميزه نقدرها ونحترمها
بالتوفيق ومتابعه لكما .. |
[QUOTE=سد الوادي;1062950]السؤال الاخير السابق حتى من غير مطاعم ؟؟ هذا حتى العزوبية بيسوونها . بس انتي نقول راعية بيت ؟؟ مو من الثلاجـــه ولا من المطعم حتى وان كان عندي في البيت غنم وكيذا مثلا بااقووم اذبح منهم واسلخ والله مايحلل لهم مو بخلاً لكن مستحيل اني امسك الغنممه (مو راعية بيت :S_057:) بعدين هم مستعجلين بنسوي لهم قهههوه وملحقاتها وبالعااافيه |
مستمتعه ومتااابعه لكم روعه الاسئله
تحيااااتي لحضارات جنابكم |
متابعين لكم على القوه
|
الجولة الثالثة
واظنها الاخيرة حسب شروط الموضوع شيخة بني عمرو بما ان غدا هو يوم عيد الاضحى المبارك تقبل الله منا ومنكم ومن جميع المسلمين الاعمال الصالحة الشايب الله يسلمه ملزم يذبح الضحى في البيت وقال يا شيخة وانا بوك جهزي العدة وشدي حزامك علشان تحاوشيني بالضحى ... بماذا تستعدين وماذا يمكنك عمله ؟؟ وماذا بتسوين بكرة على سفرة العيد ؟؟ لا تقولي كيك وحلاوة وعصير هذي كلها من السوق نبغى من خفيس ايديك شعبي ؟؟ |
الجولة الثالثة واظنها الاخيرة حسب شروط الموضوع شيخة بني عمرو بما ان غدا هو يوم عيد الاضحى المبارك تقبل الله منا ومنكم ومن جميع المسلمين الاعمال الصالحة اللهم آآمين الشايب الله يسلمه ملزم يذبح الضحى في البيت .. وقال يا شيخة وانا بوك جهزي العدة وشدي حزامك علشان تحاوشيني بالضحى ... بماذا تستعدين وماذا يمكنك عمله ؟؟ امين الله يسلمه ويخليه ... والشيبان في هالوقت ماصاروا يذبحون في البيت وخصوصا في المدن لو حصل وانه بيذبح في البيت ممكن اجهز اي شي يبيه من سكاكين وصحون وغيرها بس اني اوقف معه وهو يذبح او امسك او اي شيء من هالقبيل مستحيل لانه هو الخسران ماراح يستفيد مني يمكن اساعد الخروف وافكه :biggrin: لكن اخواااني الله يحفظهم يوفون ويكفون وهذي شغلتهم مو شغلتي . وماذا بتسوين بكرة على سفرة العيد ؟؟ معجنات , وحلى , وجريش ,ورق عنب وكروم , وقرصااان , ومقلقل . لا تقولي كيك وحلاوة وعصير هذي كلها من السوق .. نبغى من خفيس ايديك شعبي ؟؟ (وان كنت اعترض على كلمة خفيس ) والكيك والحلويات مو شرط نجيبهها من محلات الحلويات الحين االاغلبيه مايفضلون شغل المحلات الاهم شغل البيت وانا اولهم ّ.. اما الشعبي ..فالله يخلي جدتي كالعاده ماراح تقصر بالمشغوث .. والله يعينني على غسيل القــــدور :biggrin: |
سد الواااادي القلم والورقه ’’’ متى تكون ملجأك بعد المولى عز وجل ,, وهل تفضلل البوح لها على البوح لشخـــص آآخر ؟؟ وماعلاقتك بالقراءه ,, والكتب كم نسبتها مقارنة بــ حياتك اليوميه ؟؟ ــــــــــــــــــــــــــــــــــــ الوحدة والعزلة هناك من يؤيدها ويرى انها منبع الافكار والسبيل للتأملات وهناك من يرفضها وينتقدها ويرى بانها تأثر بشكل سلبي على الشخص - ما راي سد الواااادي في الوحدة والعزلة خاصة اذا كانت لفترة محدودة من الزمن؟؟ - وهل لها حيز ومكان في حياة ابو حسن ام انها يرفضها ولا يسمح لها حتى بالتسلل الى حياتــــــــــه؟؟ |
هههههههههههههههههههههههههه
تري خفيس الواحد في بيته احسن من خفيس العمالة برا ....................... سد الواااادي القلم والورقه ’’’ متى تكون ملجأك بعد المولى عز وجل ,, وهل تفضلل البوح لها على البوح لشخـــص آآخر ؟؟ *- الحقيقة القلم والورقة قل استخدامها كثيرا في اموري لأن بعض الامور ان كتبتها بقيت ويمكن لا احب بقاءها ان كان الامر يستدعي المشورة فلا باس من عرضه على صديق وإلا فالصمت افضل .. وماعلاقتك بالقراءه ,, والكتب كم نسبتها مقارنة بــ حياتك اليوميه ؟؟ *- في الوقت الحالي النسبة قليلة جدا واصبحت العلاقة مجرد البحث عن موضوع معين فقط . واصبحت استخدم النت في البحث والقراءة اغلب الاحيان وانا لست من هواة القراءة كثيرا . ــــــــــــــــــــــــــــــــــــ الوحدة والعزلة هناك من يؤيدها ويرى انها منبع الافكار والسبيل للتأملات وهناك من يرفضها وينتقدها ويرى بانها تأثر بشكل سلبي على الشخص - ما راي سد الواااادي في الوحدة والعزلة خاصة اذا كانت لفترة محدودة من الزمن؟؟ *- العزلة ليست طيبة إلا لوقت محدود وبسيط للنظر في امر خاص مثلا . - وهل لها حيز ومكان في حياة ابو حسن ام انها يرفضها ولا يسمح لها حتى بالتسلل الى حياتــــــــــه؟؟ *- انا ارفضها رغم حاجتي بعض الاحيان لها ولكني اذهب الى اماكن هادئة لوقت بسيط واحاول اتخذ قراراتي بسرعة حتى لا اتعب نفسي ومن معي . وتغيير المكان حل مناسب للخروج من بعض الضغوط النفسية .. |
ضيييوف حره الاعزاء استمتعنا معاكم بالايام الماااضيه
وكان الحوار بينكم رسمي جدا كنت اتمنى حتى باقي الاعضاء يكون فيها نوع من الفرفشه عموما امتعتونا وكل الشكر لكم على تلبيتكم لدعوتي لكم |
| الساعة الآن 01:04 AM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir