|
سلام يا أهل المعرفة والمعاني جيتوا وجينا وكل شاعر وعاني ياتاج راسي جيت ذا الليل عاني هذا الصحيح وقولو اللي تقولون يا مرحبا حياكم الله يا فخر الجنوب ثورة بدت من تونس وحل ع العالم ظلام والشعب ثارو والدول من وراهم باتلة |
كنتوا وكنا ع الرشق والسواني واليوم كل(ن) عاد بيده مواني يا سيف بوحدين مالك أماني هذا الصحيح وقولو اللي تقولون أهلا و سهلا بتاج راسي ويادرع الجنوب ما نعترف بأهل الظليمة ولا آحب الظلام والقايد الهمّام ندري ترى المثبات له |
البدع حنا جنود المملكه يانشاما نحمي حمانا في جنوب ٍ وشاما والخصم قد هبنا بوجهه وشاما هذا الصحيح وقولوا اللي تقولون ** يالله يا رحمن يا عالم كل الغيوب يالله تحفظ مملكتنا من اعيال الحرام اشوفهم في ارض الحساء والمدينه نازله |
يا صاحبي لا تحسب ان السنا ماء
خابت عيون اللي من الناس ناما مابان من سمحان غير السناما هذا الصحيح وقولوا اللي تقولون **** والله ماحب النميمة ولا احب الغيوب اطوف واسعى ياهل الطيب بالبيت الحرام واشوف من يبدي في المعركة وانازله |
فوق أرضنا نحارب وفي ظل سمانا للقايد اللي يعطي سمن وسمانا ناس(ن) تخون الدين وبه ناس امانا هذا الصحيح وقولو اللي تقولون ما دام ابو متعب ملكنا نحطه في القلوب خل الفقيه بلندن يقول بيهز النظام مايدري انه واقف وحن نقود القافلة |
الله من بعض المذاهب حمانا من يوم حجّينا وْحمينا حمانا وكم اعتزينا بأهلنا و ارْحمانا هذا الصحيح وقولوا اللي تقولون يالله لاتجعل في اصحابنا ميل وقلوب ما ابغي نظيم القوم حقرة ولا نبغي نظام والشاعر اليا قام صادق يقود القاف له * |
البدع في سوريا شفنا البشع والجرايم سالت دما المستضعفين وجرايم الله يسلط على الملوك الظلايم هذا الصحيح يالله سلط على العميل المنافق واللعوب ليته بياخذ عبرة من الكويت وفيتنام لا بد ما يجي نهار تثور القنبله |
السوق تايه بين بايع وسايم
واحنا لنا في كل دار وسايم حتى ولو هبت عليك النسايم هذا الصحيح ***** ماودي اجازيك واتعبك ويسيل اللعوب بسايرك بالطيب واخاف من خوفي تنام مافي جبل حرفه بلاها ولا فـ القن بله |
في ليبيا القذافي والكل شايف هبت رياحة وصار شعبه نشايف حسايف اعلى الكبريا يا حسايف هذا الصحيح وقولو اللي تقولون هذا الربيع العربي هبت رياحة هبوب كلن بدا بحرية الرأي واخذ له حسام لكن كلن يعرف الثانية والاولة |
السوق فضة والذهب للرهايف ما احلا سليل السيف جنب الرهايف ويطير بعض الناس لو بالهفايف هذا الصحيح وقولوا اللي تقولون القصر عالي – ماسكن غير مصعب - ولْه بوب ماهمني راعي التجاره وهو للملح سام واليا احتمينا بالمسدّس فلا تتهوّله |
خل السياسه لاهلها يا مرؤ القيس وتعال نحسب في المسافات ونقيس الطير دمر عرش كسرى وبلقيس هذا الصحيح *** يامرحبا يا صاحبٍ كنه الخيل الدروب يمشي على ممشاه حسب الاشاره والتمام ما يختلف مشيه نهار اللقى والقايله |
القصر يبغى له محل وتسييس
لكن تعوذ ياقبيلي من ابلييس لانقلع الضرس المعول ليا سيس هذا الصحيح ***** خلك على وضعك وخلك مع سمح الدروب وانا معك في الصف والا تقدم وانت امام ترا الكلام الحق يشهد على من قايله |
امسي بالخير على الاخوه الشعراء بالخير
ونقول يعطيكم العافية متابعين ومستمتعين بهذه المحاورةالرائعة كلام جميل وتااااااااالق ونطمع في الرقي بالمعنى ودمتم |
سمحان ما شفناه نسمع هديره نسمع ونبحث عنه في كل ديرة لكن مدري عنه منهو مديره هذا الصحيح وقولو اللي تقولون يا صاحبي وإن كان ودي من الفتنة تتوب أنا مثيل الصقر شيهان إلى حلّق وحام واما أنت في مصر الشقيقة تجر الحافلة |
ع القــوة متابع 0 0 0 0 |
| الساعة الآن 02:59 PM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir