منتديات بني عمرو - عدسة الأعضاء

منتديات بني عمرو (https://forum.baniamro.co/index.php)

- التصوير الفــوتـوغرافي (https://forum.baniamro.co/forumdisplay.php?f=161)

- - عدسة الأعضاء (https://forum.baniamro.co/showthread.php?t=75520)

هههههههه ايوه يارويال الحمد لله اني شفت الصور
وانا جوعانه صح لحم الضب لذيذ لكن الشحم والعبيله
كلام ثاني يخليني اصوم شهر ههههههه

جيت اليوم الصباح للديرة من الشرقيه دايركت
على السليل و اطلع للمزارع فيها حركة بيع و شراء
و هذا صورة رشاش محور سبع ابراج نصف دايري
زارعين فيه ذرة و ننتظر الحصاد

http://i.imgur.com/9IEqNTz.jpg
و هذا رشاش 4 له سنتين و حنا نحصده كل شهر
برسيم طبعا و البرسيم كل شهر حصده و لكن اذا كمل سنتين نخلي الجماعه يهدون بابلهم فيها

http://i.imgur.com/Z43uVax.jpg

http://i.imgur.com/kPI1el2.jpg

http://i.imgur.com/vps9h6P.jpg

عقبها اروح صوب الرشاش الآخر عبارة عن برسيم ثلاث ارباع دايرة بايعين برسيمه من فضل الله اللبنه 18 ريال و الي خلانا ما نخليه دايري النخل القديم و لا بغينا نقشع النخل

http://i.imgur.com/ezX9OFN.jpg

http://i.imgur.com/tUCWMMa.jpg
عقبها اروح صوب لاخر برسيم بعد بايعينه بعد اللبنه من 18 ريال
http://i.imgur.com/Wv6DvVo.jpg

http://i.imgur.com/KOKWLNy.jpg

ثم رحت صوب النخل الجديد الي غارسينه قبل 4 سنوات

http://i.imgur.com/JlVsmaY.jpg

و هذي صورة لفسايل النخل البنات نقشعها و نغرسها في مكان ثاني و هكذا يتكاثر النخل و في الصورة بعد باقي عذق رطب ما بعد صرمناه

http://i.imgur.com/73e97OG.jpg

و هذي صورة لفسايل تونا مغرسينها

http://i.imgur.com/zdzWk3n.jpg

و بعدها رحت صوب الرشاش الثمانية ابراج برسيم
و باقي عليه اسبوعين و نحصده

http://i.imgur.com/bqDO6iv.jpg

http://i.imgur.com/bX68hYX.jpg
بعدها رحت صوب الرشاش الي عقبه عبارة عن ست
ابراج ذرة او قصب او مدري وش تسمونه نفس الي اول صورة بالضبط و عادة ينتج اكثر من 20 الف لبنه نبيع اللبنه بفضل الله و كرمه حاليا في السوق 14 ريال و مدة الزراعة شهرين كامله و تختلف عن البرسيم انها حصده واحده فقط بعكس البرسيم الي كل شهر حصده مدة سنتين
http://i.imgur.com/JhKliLM.jpg

http://i.imgur.com/TYduGI6.jpg

http://i.imgur.com/XrWjRyd.jpg

الرد الي عقبه بيكون عن الابل

رحت ابشوف الابل و اصطبح من حليب الناقة الي توها ناتج قبل اسبوع او اسبوعين
و ساعة اقبلت على الابل الا العامل قد سرح بها صوب الرشاش الي هادين فيه الجماعه
و هذي ابلنا الله يطرح فيها البركة قولوا امين
http://i.imgur.com/SbD9qyx.jpg

و هذي صورة مكان المخيم و يظهر في الصورة المقلط اما المجلس الكبير ( بيت الشعر الكبير ) نطويه اذا انتهى الشتاء و اذا جاء الشتاء نعود نركزه و الحين متجهزين جايبين رد قلابي كنكري او حصماص صغار زي ما تسمونه سموه

http://i.imgur.com/imt395K.jpg

و هذي صورة الخلفة اهي و بكرتها ما نهدها مع الابل نخليها لين تكبر الحوارة بعدين نظهرها مع الابل
يا مال البركة و الزين

http://i.imgur.com/lfVcVps.jpg

حوارتها منسدحه بجنبها
رحت عاد ابي اقوم الحوارة

http://i.imgur.com/9nhb4jl.jpg

http://i.imgur.com/2CIbd1t.jpg

و هذي عاد للفايدة لكل قبيله او لكل فخذ من اي قبيله وسم خاص بابلهم بما فيهم آلسعود
و هذا وسم فخذنا معروف عند اهل الابل ان هذا الوسم خاص بالقبيله الفلانيه
وسمنا عبارة عن حرف T على جنب و يسمى المبيعيج على جدنا الي بعج الخطه يوم حربنا في الماضي ضد احد القبايل

http://i.imgur.com/XLaflOV.jpg

اما الي في الصورة الثانيه ما يسمى وسم و لكن يسمى الشاهد و يخص عائله معينه و هو يخص ابل ابي و عماني و هو عباره عن مطرق و فوقه رقمه
http://i.imgur.com/JrfZfjb.jpg

يعني اذا ضاعت اي ناقه و حصلها واحد بيشوف الوسم و يذكرها للقبيله الفلانيه و اي واحد من القبيله هذي يجيه خبر و يذكر الشاهد بيعرف الناقه هذي لمن

و هذي عاد صورة للتبن ( في وجه العدو )

http://i.imgur.com/D0CCsDj.jpg

و ينتج التبن ( في وجه العدو ) اذا حصدنا البر و دخلنا العيش للصوامع نجيب اللبانه و نلبن الحصيده و كان انتاجنا في الموسم الي دخلنا فيه كاخر موسم تستقبل الصوامع العيش من المواطنين
حوالي 800 طن من البر و يمكن تزيد عبارة عن 4 رشاشات كبيره و انتجنا حوالي 36 الف لبنه من التبن و في الصوره اعلاه يبين انا قد بعنا اكثر من النص و تختلف الاسعار اول ما بعنا بعنا من 10 ثم وصل السعر اليوم الى 13 ريال

في النهايه اقسم بالله ان الدوجه في المزارع تسوى شيء واجد

رويال

كل الصور جميلة ما شاء الله تبارك الله الله يزيدكم من فضله .
اما الضبان فالله يديم النعمة جربتها مرة بالخرخير وتوبة . ههههه

اقتباس:

المشاركة الأصلية كتبت بواسطة الضآميــه (المشاركة 1446447)

هوون صآر معي اووم الاكشنات منشان اصوره
وهذا اللي طلع معي من الخوف بلييز بلا تعليق هههههه
هذي الصوره بـ الباحه >> رغدآن

http://i.imgur.com/rw4ZVMi.jpg

نووورتي الباحه ياعسل كان قلتي لي واستقبلك واكون مرشده سياحيه هههههه

ما شاء الله يا رويال الله يطرح لكم البركة
في مالكم وحلالكم

اقتباس:

المشاركة الأصلية كتبت بواسطة الريم الجفول (المشاركة 1448368)

نووورتي الباحه ياعسل كان قلتي لي واستقبلك واكون مرشده سياحيه هههههه

نوووورك يالغلآ
بصراحه الزياره كآنت ع السريع
ومارووحت غييير رغدآن
الزياره الثاانيه اكييييد لناا لقااء ياليت
وانتي احلى مرشده ❤️❤️

اقتباس:

المشاركة الأصلية كتبت بواسطة الضآميــه (المشاركة 1448454)

حياك.الله بأي ووقت

من الشفاء ( بني خالد )

https://scontent.cdninstagram.com/hp...86397493_n.jpg

الحمد لله على سلامة رويال الصغير
زلق من السيراميك و لا وقع الا على جبهته على درج الجلسه حقت الصالة مرتفعة درجة وحده
و الحمدلله على قدر ربي و جت سلامات 3 رتب لانه الظاهر ضربت عرق ما وقف دمه ينزف لين رتبوه بثلاث رتب

http://i.imgur.com/Oz4bNYJ.jpg

http://i.imgur.com/8XtbOVs.jpg

ألف لابأس على الفارس الصغير
الله يحفظه ..