منتديات بني عمرو - أسلوب الغش الجديد ..

منتديات بني عمرو (https://forum.baniamro.co/index.php)

- المواضيع العامة والإخبارية (https://forum.baniamro.co/forumdisplay.php?f=100)

- - أسلوب الغش الجديد .. (https://forum.baniamro.co/showthread.php?t=98066)

صدقت يابوفهد ..
وبعضهم يحط كم بيت شِعر عشان يكون قام بعذره..
المهم خلصت الإختبارات وعدت على خير بدون خسائر في التقنية أو النتائج ..
لاهنت أبو فهد ولك تقديري ..

وحيني جيت متأخر بس قلت لازم أحط رد عليك يابو ريان
مره من المرات كنت اختبر وفيه واحد في الطاوله اللي خلفي في الجامعة
وقعد يدق في ظهري بقلم الرصاص لين حفره وطنشته :d
المهم إنه قام في الاخير يسب ويلعن ويقول كلام ما ينقال حسبي الله وكفى
طبعاً انتبه المراقب من فضل الله وقام غير مكاني وبغت تجي في رأسي
فكره إني أنا ذا يغششه وأنا ودي بالفكه منه ..

أما على طاري الساعة اتوقع من الصعب أي احد يمتلكها
يعني ممكن غالباً تكون مع الطبقة المخملية واللي معهم فقعة دراهم الله
يزيدهم من فضله ..
لكن ربعنا أبشرك إنهم يستغلون كل شي عكس ما صنع له
يتحرفونه لدرجة إن اللي صنع ولا أسس هذه التقنية يقول مدري كيف
جات على بالهم هذه الأفكار ...أقولك سعودييين والله مايقدر عليهم إلا ربي..

اوووه وضعك تمام يابو مانع ..
أنت أحسن من اللي دخل بالغش معه ولا عرف كيف يطلعه :d

شوف الغش دائماً مُحرج للطرفين سواء تم ولاّ ما تم ..
الإعتماد على النفس أجمل حتى درجة الرضى بعد الاختبار تكون واضحة وصافية ..

أما الساعة فأظنها عادية السعر والله أعلم ولكن بيني وبينك شئ على مستوى :d
منور أبو مانع ولك تقديري ..