الله يعطيك العافية كلامك في قمة الروعة وموضوعك جميل وأضيف له هذه الكلمات لو سمحت لي
شـكــ وبارك الله فيك ـــرا لك ... لك مني أجمل تحية .


هز قلبه صوت حزني و انصدم يوم اني صحت
انفجع احساس روحه و انذهل يومي بكيت
حس انه اصل حزني و بسبب غدره انجرحت
حاول انه يعتذر لي جيت ابسبقه اشتكيت
بسألك وش هو الذي يستحق انك ذبحت
فيني لحظات السعادة لا استفدت و لا جنيت
كم عطيتك من حنانٍ بالمحبة لك نجحت
يا حسافة بحر حبي و الوفا اللي لك عطيت
علمتني كيف المشي خليتني يوم اني طحت
اهملتني صرت اتمنى انه عمري ما مشيت
علمتني كيف الفرح بكيتني يومي فرحت
تعبت حالك يومك عن الفرحة دريت
دفيتك بيوم البرد من يوم تمسي اليا صبحت
اهملت نفسي و ارتجفت اهم شئ انك دفيت
لكن بغدرك يالغلا في حرمة انفاسي استبحت
ارض المحبة خنتها هذا هو اللي ما هقيت
تذكر انك جيت عندي قلت لي حكي و شرحت
و قمت تنصحني بأني ما اغدر اليا وفيت
ليت ماني فاكر حكيك و ليتك ما نصحت
تدري انك يا حبيبي بالغدر قمت و بديت
و قلت لي بالحب ناسٍ فوقنا و به ناس تحت
ما دريت انك حبيبي تحت اظلالي بقيت
ابتعد عن درب حبي خل ننسى لو سمحت
يكفي ما جاني عذابٍ كم تعبت و كم شقيت
ما بقى بي لك معزة انت في قلبي انفضحت
و انفضح اسلوب غدرك و انت في عيني انتهيت
لو بغيت انك تغادر وعد ما اسأل وين رحت
بس بأبكي حب عشته و في ثواني له رثيت
شف ترى قلبي حكى لك في عتاب الحب بحت
و قلت لك ما داخل الروح الوجيعة لك حكيت
بعدها بيبان قلبي يالخوي رحت و فتحت
تنفتح طول الزمان و تنقفل لا منك جيت