|
رد: يا من تبغى محاوره .. هاك
العود الازرق كل يوم يزيد اعجابي بما تقدمه
وبالاخص في مجال المحاورة صح لسانك ولا يهون الاخ سيد الموقف والحقيقه انكما مبدعين الله يعطيكم العافيه ابو عبدالله |
رد: يا من تبغى محاوره .. هاك
لا والله إلا معانينا بنرفعها اعلى جبال التهم ونطلعك معها ونصايحي يا ولد لا بد تسمعها والنار ما تحرق الا رجل واطيها جيت من وسط العليا على غرب النظيم ما لقيت الا الجهل والتعالي بالفهام مشكور يا صاحبي والله لا يحرمني من شوفت الذيب لامن جيت بغني واليوم يا صاحبي ما عنك وعني والنار ما تحرق إلا رجل واطيها ما تكفي ملعبتنا سوى ذاك الزعيم أرقصي لحن وطرب يوم للسبق أحتدام <> أزرق العود |
رد: يا من تبغى محاوره .. هاك
صالح ال سلمان
شكرا لك لدعمك ولمرورك الطيب ولا خلا ولا عدم بس عتبي على باقي الإداريين والأعضاء لم أرى اي تعليق الله لا يهينك يا مديرنا الغالي والراقي <> أزرق العود |
رد: يا من تبغى محاوره .. هاك
محاورة اكثر من رائعه فالله يعطيكم العافيه
متابع بصمت |
رد: يا من تبغى محاوره .. هاك
لدّ النظر للمعاني واطلب ايديها
ثم ارسل العقل يرتع في مغانيها وان وافقت بنت ابوها لا تخليها والنار ما تحرق الا رجل واطيها ما تلاقي من لحوم ٍ تغذت من هشيم كود ضيم ٍ تفترق به عظام ٍ عن عظام لا هاجت بصاحبك في بحرنا الهندي القارب .. وصاح فيهم طبها عندي وش تنفعه لو يخون الساعد الهندي والنار ما تحرق الا رجل واطيها شارب التبغ الحَمَر ما يقارن بالوسيم واحد ٍ ما يضرب الخمس .. ما يشبع طعام |
رد: يا من تبغى محاوره .. هاك
من قالك لك بيرق الشعار في يدك هذي صعيبه عليكم يوم أنا ضدك لا من بغيت اللعب تلعب على قدك والنار ما تحرق الا رجل واطيها وش علامك يا طويل العمر وسط الجحيم والجروح الكايده ما لها غير الهمام يا راعي المركب الي راح برموده قدامك الموت الأحمر حاجزٍ عوده يا كثر قدامكم من ناس مفقوده والنار ما تحرق الا رجل واطيها ما نقرب للدنى يوم للدنيا نديم نعرف حقوق العرب بالكمال وبالتمام <> أزرق العود |
رد: يا من تبغى محاوره .. هاك
لو تصعد الطور يا وليدي ترى تسقم
وان صابك الجوع ما تلقى سوى العلقم وتطيح محد ٍ يقل يا صاحبي قم .. قم والنار ما تحرق الا رجل واطيها اسأل السيف العتي لا انتهى وقت المقيم عن صدور تطلبه كن له فيها غرام الموت لاجا على الإنسان ما يهرب لكن بعض البشر قلبي منه يتعب يوم الشدايد أنادي له ولا يركب والنار ما تحرق الا رجل واطيها فيه ناس ٍ يا ولد ترضع الطفل الفطيم مثل من صلى صلاة العصر وقت القيام |
رد: يا من تبغى محاوره .. هاك
أسمع علومك ولا أدري وش تبي فيها والصقر له صيدةٍ ما يوم يخطيها لا جيت تكحل عيونك ليش تعميها والنار ما تحرق الا رجل واطيها لو زبون الكايده عايشٍ وسط النعيم فالردي والي تردى حياته كالنعام من قالك لك فزعتك هذي طلبناها وعلومك الي تقول اليوم تنساها تشرب فناجيلها والخوف يغشاها والنار ما تحرق الا رجل واطيها وش علامك في المعاني تقول أنك رجيم ندفن المعنى ويفرق حسام عن حسام <> أزرق العود |
رد: يا من تبغى محاوره .. هاك
ما دام بعض المعاني فوق تفكيرك
اقبل عليـّـه وانا جاهز لتطويرك يا الشاعر اللي من الماء قد خلا بيرك والنار ما تحرق الا رجل واطيها من طلب روس المعالي فهو رجل عظيم بل ولو ما نالها ما يقارن بالسقام ما دام عقلك تحول يفهم العكس ِ فالناقة اللي طلبها الازرق بفلس ِ باركب على ظهرها واترك له الفلس ِ والنار ما تحرق الا رجل واطيها من يشوف برحلته العماه مع العتيم ان عجز عن باقي الخط يرجع والسلام واعذرني على التأخير للظروف |
رد: يا من تبغى محاوره .. هاك
شعار شعار لا هنتو
بعض الهفوات البسيطه لا تقلل من ابداعكم سنايدي والله واصلوا وحنا نتابعكم |
رد: يا من تبغى محاوره .. هاك
خلك وخل المهايط وألتفت يمي بنشدك عن شيخ لا خالي ولا عمي شربك كاس العسل مخلوط بالسمي والنار ما تحرق الا رجل واطيها شفت برق لاح يا صاحبي من دون غيم ما تلام اليا جهلته ومثلك ما يلام ناقتك لك يا صحيبي وش نبي فيها مكسورة الساق تعرج في خطاويها وتبغى تسابق خيول ما تجاريها والنار ما تحرق الا رجل واطيها النمر وسط الفلا شاف له ناقه وريم والهدف قدام عينه وممشوق القوام <> أزرق العود |
رد: يا من تبغى محاوره .. هاك
اقتباس:
هلا ومرحبا فيك نتقبل النقد بكل أشكاله ليتك وضحت لنا هفواتنا فنستفيد مما لديكم لا خلا ولا عدم |
رد: يا من تبغى محاوره .. هاك
يقلون سم العقارب داخل المصران
يوم يتحول لسم ٍ يقتل الثعبان وانته لسعت ولقيت السم بالنطران والنار ما تحرق الا رجل واطيها مع مرور الازمنة يختفي النجم العقيم والجدي وسهيل تبقى على مر العوام البدر ما يختفي من ضو قنديلك والشمس ما تحتجب سبة غرابيلك قل للنمر لو يجيك الذيب يا ويلك والنار ما تحرق الا رجل واطيها بنشدك عن سيف كم قد قتل له من غريم واصبعين النصر بنصابه اتحدت الانام |
رد: يا من تبغى محاوره .. هاك
صح لسانك جمل الله حالك
أسعدني مقابلتك وتواجدك في متصفحي والشكر لجميع من مر على محاورتنا وإلى اللقاء في محاوره قادمه وبتكون ناريه لا تفوتكم <> أزرق العود |
رد: يا من تبغى محاوره .. هاك
اقتباس:
الله يعطيك العافية يا ازرق العود والله لا يحرمنا منك ومن تواجدك استمتعت وأنا أواجه شاعر كبير مثلك والله يجمعنا على خير اطيب تحيه سيد الموقف |
| الساعة الآن 01:22 AM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir