الشاعر:سليمان بن شريم يقول:


وربعك الى بان الخلل فيك عافوك

اقرب قريبٍ لك من الناس يشناك

ان كثر مالك اصدقولك وطاعوك

وان قلَّ ما بيدك شانت حلاياك

لو تطلب الماء عندهم كان ما اسقوك

ابعد مزارك عن وطنهم ومرباك

وان طاب حظَّك اصدقولك وحبُّوك

وان بار.. كلٍ ما يبي غير فرقاك

وهراجة المجلس الى جيت ورُّوك

منازلٍ تُطرِب نظريك بدنياك

والى قضوا منك اللوازم وخلَّوك

تفرقوا وانت احتمل لحل ما جاك

كنَّك سراج البيت للنُّور شبَّوك

واليا انقضى اللازام حد الربع طفَّاك

الى ان قال:

واصحى لخلَّان الرَّخا لو تغالوك

اعرف ترى اطيبهم الى احتجت يجفاك

كنَّك خوي مقيط دهووك واغووك

وحقَّك عطاك رشاك واقفى وخلاك

واحذر عن العيلة ترى الحق مدروك

مثل العمل يدركك ما منه فكاك

وان كان عدوانك على الضيق حدوك

فاخصم طلابتهم بعجفاك وقداك

وان كان هم لمشرف الحقَّ ما شوك

ناظر مطاليع الفرج قبل مبداك

واحلم على الجاهل ترى الحِلم مبروك

وقم للضعيف اللي من الضَّيم ينخاك

وادمح خطا جيران بيتك الى اوذوك

ترى القصير وحرمة الجار بحماك

وقم للضيوف اللي لفولك وضافوك

اغلا كرامتهم حِجَاجَك وبشراك

القُلُوب كالقُدُورتَغْلي بما فيها

وألسِنَتُها مَغَارِفُها فانظر إلى

الشخص حين يتكلم فإن لسانه

يغترف لك مما في قلبه!

حلو ،، حامض ،، عذب ،، أجاج