وحدك تجلي للصباح ويحلى
بسكر الوقت اللي منك استلذه



الصياد

بين الغلا والحب...شيٍ من التيه
كثير حبونا .....وهم ناس غالين

ومحدٍ ثنى قلبه..عشان اني اثنيه
ومحدٍ نسا بانسان ونصير ناسين

انا حبيبي وان عشقته ...بلا ليه
كذا لقيت....إنه يساوي الملايين

ما كنه الا شيء من قلب معطيه
اما وريدي... ولا دم أو شرايين

القاني حاضر والقى أني بماضيه
وللحظه الاقيني مع رمشة العين

في نرجسية حب انا بس انا فيه
يعني أهو ذاتي وانا ذاتي إثنين

ميت بدونه حي في وصف توجيه
من فلسفة حبٍ قلب له الموازين



الصياد

باقي عن وصولك.. وصولك
وباقي عن خطاك ودقة الباب
احباب واماني احباب...
وجهنم سؤال
وينها بس جنة سهولك


لوتذهل الكلمه على شفاهي
وتسهل اللحظه على الناهي
يصير السكوت دنيا عذاب
ووقتها اقول
من غير ما أقول
باقي عن وصولك... وصولك

حسيت في لحظه بزحمة عيوني
ونظرتي حسيتها دونك ودوني
على الباب يااااااه...على الباب
كم تفرق الكلمه عن المعنى
لو باقي عن وصولك... وصولك

شعرك المقصوص قصه لها أبطال
وجهك المملوح وقبلته وشفاياك
وعيونك الحلوه
اللي لها عيوني وصال
بس باقي عن وصولك ...وصولك

حبيتها مره هالكلمه بالذات منك
سميتها مره بالنسمه مع بحر فنك
سميتها انتي وسميتها كنك
وسميتها وسميتها بالف كلمه
سمعتها منك..سميتها
بس وصولك قال....
باقي عن وصولك... وصولك
وبعدها بحسرتي قمت ...صكيت الباب

الصياد

يمكن اغيب ايام وايام وايام ...
وفيها اصد ولا يجيلك مرسالي...

لوما تهميني حقيقي ولا أغليك
روحت والخاطر بقا فيه باقي

ولوما تهميني وروحي تناديك
م اشتاقتك عيني وتوّله عناقي

قالو الغلا مقدارك بعين غاليك
حسب المواري والجفا والمآقي

وقالوا اذا ماشفت نجمه بعاليك
ليلك بهيم وفي سواده سواقي

يخاطري تذكارك اليوم باقيك
من لحظة الشوق وإلين إحتراقي

يالله مشينا والليالي الدواليك
بكره يفرقنا.... وعشمنا التلاقي


الصياد

بدري عليك الحب... والحب بدري
مابين ساعات امس واليوم في فرق

ياقلبي لولا الهم ....ماكنت تدري
القيض حزات أعقبت لمحة الشرق

..ونسناس هبهاب الرعابيب فجري
وخلط الخزامى يفوح لمعانق العنق

وعقبية التصوير.... رعّاد زجري
في ليلةٍ ظلما ....تري يفودها البرق

قولوا لها وقول المطانيخ...شطري
تصوير شاعر او خواطر بهالورق

الصياد

لوعانقت عينك النجمه البعيده في هدوء الليل أذكريني
اذكري اسراف نظرتي في عيونك واذكري....ذاك الخجل
ذاك الخجل اللي اعتراك وغيّرك وغيّر بلحظه إحساسي
اذكريني يوم ضميتك لصدري وقتها

لاتذكري غصّة وداعي ....ولاتزيدي عليه أوجاعي
انا من قبل عرفك مكتفي بأوجاع
انا من قبل عرفك دنيا من ضياع
انا أقصر فرح مر دنيتك وفجأه كذا...ضاع

أحسبني لقيتك...لقيت نفسي ولقيتك
احسبني اهتنيتك ... عطيتيني وعطيتك
وأذكر اني تفاجأت في لحظه
بوجه لهفتي لك ...... بصفعة وداع

وداع
وداع
وداع

الصياد

يبـداه وقتي مع تفاصيـل الإسعاد
جسـمٍ مثير ووجه مورود رويان

وصدر اذا اقبـل عـلي رج الأنهـاد
يلقاني أحضان ويودعني احضان

وقلبن عشقته ماقوى لحظة ابعاد
من لهفته يـردد هلا بأغلا انسـان

حـتى الفـراق يـمر لـحظات تنـعاد
امـا طيـوفه ولا هـمسـات تحنـان


الصيّاد

خارج السرب...
ويستمر العطاء...

الشعـر شعـري والمعاني لجنّك
في قـالب امأدلِجْ ومعنى يلجّـا

حـبيّب وحـقك عـلـي أوهجنّـك
هذا انـت ولاّ غيـرك اللي تهجّا

والسابق بـلاحـق تولـمّ هجنّك
يسبك قوالب من مبادي همجّا

سمّاج بيت بنهح عكس انهجنك
لا البيـت عامر ..لا النوايا تحجّا

فيـك اتغـزل... واتـغـزل بجنـك
حتـى ظـلالك فـي ظـلالي تزجا

فيـك اتغـزل ليـن لحني يشجنك
والين من شاف الضواري يهجّا


الصيّاد

هناك من الأخوه من طلب وسيلة للتواصل معي
الأخ ظافر ....صديقي العزيز المهندس
البنات مقروعين ....:d:d
حسابي بتويتر ....@fhhf358 ....ضاري





سبحانك اللهم وبحمدك ، أشهد أن لا إله إلا أنت أستغفرك وأتوب إليك

https://pbs.twimg.com/media/CwDVTmIXEAId2S4.jpg


من كآنَ سبب سعآدتيَ و لوّ لِ لحظه ،
آللهمَ أسعده طوآل لحظآت عمرهہ 💭

ماقلت لي ان الشتا يمكن معك
يجينا فجأه ويسكن الروح
ماقلت لي والله العظيم ماقلت لي يومي معك
لو قلت لي ما قلت لك ماهمني ترووووح
ماقلت لي ولوقلت لي كان اجمع جروحي حطب
لو قلت لي كان أكتب بوجه السحب أني أحب
وانك حبيبي اللي انكتب بعمري انكتب
لوقلت لي كان ابكي يمكن أو أنتحب
او ان شاء الله حتى عليك انووووح
أويمكن ما أصدق حكيتك وارزع لك كل يوم
ورودي طموووووح
لوقلت لي
كان أترجاك إسألي مره إسألي
ليش التعب وجهه سموح
وليش الغضب
لو من باب جرحي وغيرتك
ليش الغضب لوهو سؤال من باب المزووووح


الصياد