ابحرقك حتى تسود لياليك = وابشعل النيران في كل شريان
ابكشف الحاضر وابحفر لماضيك = لين إتّمنى ماخلقك الله "انسان"
بروي شقا الايام من ضيقتي فيك = واحرقك في دنيا السعاده بنيران
عرفت قلبي و"طيب"(ن) يومي اغليك = آخذك من همك على كف نسيان
واليوم من دورات الايام بهديك = وامطر عليك الويل هتان هتان
ياخاين العشره تردت تواليك = حتى عطاك اللي تمنيت به هان
بطردك من اهلك وربعك وانسّيك = إسمك ولاتعرف لك الناس عنوان..!

هذي بيتين كتبتهم قبل شوي حبيتهم
قلت أنقلهم .. هذا البيت طبعاً
جاني من شخص عزيز فرديت عليه بالبيتين اللي تحتهم

ياهلا وصباح الورد ياجود

*

*

*

مانساك

لو
ينسى الكحل سود الأهداب

وشلووووون ..؟؟

تنسى العين صافي نظرها

اختصر هرجك معايه لا يطول = كان تفهم بالأشارة يا فهيم
المشاكل طالبه دايم حلول = ليش ما تمشي على وضع(ن) سليم
كل مصبوغ(ن) من المعدن يزول = لو يطوّل عاد للشكل القديم
لا تقول ولا تقول ولا تقول = أمش في درب(ن) طريقه مستقيم
لا تغشّ ألاّ قليلين العقول = أعتذر واستغفر اللّه العظيم
جاهل ابكلّ الطرايق والأصول = وكلّ مخلوق(ن) فهم وانت الغشيم

ردّي الأصل لو شفته صفالك = ترى الانذال عشرتها مصايب
ولو تعطيه من غالي حلالك = ترى الخايب على ما قيل ( خايب )

نيّتك شينه ولا ناوي بخير = مادريت أنّ ( الوسخ ) ما همّنا
أعرفك خوّان معدوم الضمير = روح لا دمّك يفسّد دمّنا

رح ياعزيزي فانا محتاج تدبيرك = كيد النسا يغلب الشيطان والعابه
ادري اعترافي يثير الكل ويثيرك = اهوى الحقيقه ولاني معك كذابه
مصيبتي اعشق الفكره بتفكيرك = تقدم ودرب الغلا ماتحسب حسابه
مثلك اغامر ولي بالخوف تحذيرك = مايعرف الخوف "قلبي"منكسر بابه
كان ابتعادي نتيجة سوء تعبيرك =ابعد عن الحب مثلك يخسر احبابه
يمكن خذلك الخيال وخان تصويرك = ولا الفراق القريب تلوح اسبابه
كان الهدف من عنادك فهم تقصيرك = (ترى الطبايع على التطبيع غلابه)..!

عطيتك عشق من قلبي وسلمت لغلاااااااك ارقااااااب=وغيرك يحترق قلبه ولايقدر يحاكيني