هلا ولله جود وصباحك ورد طبيعي
<<-- مو مثل اللي توزعينه هذاا

بلهفة حب أنادي لك أبي وصلك أبي لقيـاك=عطيني قلبك اسكن به وتعالي بالغـلا قلبـي
أبيك تكوني لي منفى وأنا بصير لك منفـاك=أبي وحشة ليال الكون تبعد وأنتـي بقربـي
أبي ظلمة ليالينـا تنـوّر يالغـلا بضيـاك=أبي جوّه معطر مـن نسايـم حـبٍّ تهبّـي
أبي قربك يهنيني وابي قربي يزيـد اهنـاك=باسهل دربك لقلبي .. لقلبك سهلـي دربـي
أبفرش لك بقلبي ورد وردي مثل لون شفاك=وأبي لا من ظمينا نرتوي من نهرنا العذبـي
أبيك ولا أبي غيرك أبي وصلك أبي لقيـاك=أبي بكفوفي العطشى أقـدم لـك أنـا قلبـي

اجرحيني جرح في قلبي عميق = جرح ذكرى ماتداويه السنين
والرسايل ولّعي فيها حريق = واثبتي شكّي بحبّك ياليقين
واتركيني ضايع(ن) وسط الطريق = وارحل عنّي وخلّيني حزين
أكتم الأسرار لو صدري يضيق = واتصبّر يا معين الصابرين

والّلــه لو ما كان بالقلب ذكراك = لا اقول يا قلب ( العنا ) وش نبيبه
ماني بنا في تالي العمر ملفاك = باصون قلبي عن غرام(ن) يعيبه
حبّي لك اوّل مثل ذكرى بدنياك = ماظنّ دمعات النّدم لك تجيبه
أعماك قلبك مع هوى النّفس والهاك = قلبي ملكته دايم(ن) تلتهيبه
ليتك رعيته مثل ما كان يرعاك = عاش ابخيال ويحسبك من نّصيبه
أنته تعذّبني وانا عايش برجواك = ليتك بعيد(ن) يوم قربك مصيبه
ياذا ( الفتى ) كنّ العمر قدّ تعدّاك = توّك شباب واحالتك للمشيبه
وتبقى حياتي ولا من جبت طاريك = هلّت دموعي لاجل ذكر الحبيبه

ملّيت جمر انتظارك واستحيت أسألك=و أحسب اني ما بعد جيتك وفكرت أجيك
أثرك بقلبي من البارح و أنا أستعجلك=و أثري نسيتك من الفرحه وقمت أحــتــريـــك

http://members.lycos.co.uk/qetharah/up/up/i.gif

أضحك وأجامل والحشا يرعف رعاف= متبعثرٍ ما بين قاصي وداني

عجزت أنا أخفي دمعة بعين شاعـر=لامن بكا قالوا .. صويبٍ ومطعـون
تعبت أنا غربـة .. وقلـبٍ مسافـر=يمر طيفٍ .. ماسكن قلب وعيـون
تعّبت .. قلبٍ تحتضر بـه مشاعـر=تعبت أناقض قلب عاقـل ومجنـون
أموّت كلمـة .. والقصايـد تناظـر=حرفٍ قتلني .. وباقي الحرف مغبون
تعبـت أجسّـد صـورةٍ بالدفـاتـر=وجه بخيالي وسـط نـاسٍ يمـرون
تعبـت أحيـا بكـل حـبٍ وأغامـر=أرمي بروحي في متاهات وظنـون
تعبـت أدور بيـن كـل المظاهـر=حبٍ .. ولكن .. كل حبٍ بـلا لـون
تعبـت اصـدّق والخديعـة تجاهـر=والصدق ميت بالحقيقـه ومدفـون
تعبت أنادي .. كـنّ حولـي مقابـر=اصرخ وصوتي بالصدى يجرح الكون
أجي غريب .. وارجع بكسر خاطـر=أجي وأعوّد .. خافقي كلـه طعـون