راح عني ما ذكــــر لي كيـــف أشـــوفه = والمصيبه لا مـــكـــان ولا وعـــــــــد !!!

كـــويــــتـــــنـــي ,, حطيت في قلبي جراح=مدري من اللي شاوَرك باجتياحي !!!!

يا طير وصّل لي سلامـي للاحبـاب=اللي لهم في القلب بارق معَ رْعـود
الغايب اللي عن مدى الحسّ ما غاب=إن غاب صوره.. كان بالقلب موجود
طيري فُرادى إن بغيتـي أو اسـراب=قولي له اشتقنـا بـلا حـدّ وحـدود
دنيا الدّنا صرنا بها اليـوم أغـراب=لولا المحبّـه دربنـا كـان مسـدود
أغليك واكتب لك من الشعـر بكتـاب=أحلى معاني الوفا.. والشوق موقـود
في حضرتك أنسى القرايب والاصحاب=وان غبت غاب النوم والعالم ارقـود
طال الغياب وخافقي منك قـد شـاب=حتّى دوايِ.. ابحضرتك صار معقـود
أدوّرك مـا بيـن وردي والاطـيـاب=وانشد عنَك معْ كلّ ناشـد ومنشـود
أرقى من اجلك كـلّ تلّـه ومرقـاب=أنده ويجاوبني الصدى .. غير موجود
دمعي هميل(ن) صار ذا اليوم سكّـاب=إرحم مشااعر طالها ظلـم وصـدود
إرحم عيون(ن) تشتكي من جفا اهداب=ما غمّضت بالنّوم.. واصبحت مرمود
هيّا تعال.. الشوق بي اليـوم لهّـاب=أرجوك تسرع .. وانتظر منك مردود

يا حبيبي شرهة العاشق كبيره = كل ما زاد الغلا زاد العتاب !!

ان كان قلبك فيه لهفـه ومحـروق=الشاهـد الله كـل قلبـي حـروقـي
أعطيك حقك وافيـاً طـاق مطبـوق=أعطيك يا وافي العهد مـن عروقـي
ملحق جزاكم يا عسى منت ملحـوق=حتى حسوسي في حضورك تروقـي

يا ماخذه من كل شي أحسن الشي = لو قيل به مثلك انا قلت أبد لا

أذني من الهراج ما تسمع القول=و لا عمر نقّال النمايم ختلها
واللابه اللي بينها الهرج منقول = تفسد و عند الناس يفسد عملها

اذا طلعلك قلب وعرفت تشتاق=تعال دورني ودور مكاني
وان كان باقي في منامه ولا فاق =خله الين يفوق مع جرح ثاني