|
رد: ماهوا القرم سود؟؟؟؟
الشرهة مو عليكم الشرهة على الي يسألكم :hell_boy: |
رد: ماهوا القرم سود؟؟؟؟
ياشباب وش معنا قرمسود |
رد: ماهوا القرم سود؟؟؟؟
ههههههههههههههههههه يعجبني فيك إصرارك يابن غيهب ,,عسول من يومك
|
رد: ماهوا القرم سود؟؟؟؟
يومتي ياوطن عمري تصدق خدودي حمرت وصارت وردية يوم قلت لي ياعسول :030305122924: |
رد: ماهوا القرم سود؟؟؟؟
يااخي العزيز,,,,
القرم سود هو نوع من الافكاار التي تنبثق من بوتقة الفكر السمبثاوي بحيث يصبح المنتخب جاهزا للعب حتى ولو تم طرد اي لاعب لانه سوف يؤثر على الجهاز العصبي ومن ثم سوف يؤثر على الساعه البيولوجيه التي تحتوي على كثير من القرم سود..... ودمتم سالمين,,,,,,, |
رد: ماهوا القرم سود؟؟؟؟
انا اتوقع انها اكله قديمه مثل المنتو يغمش
اقووووووووووووووول نصيحه لا عاد تسأل عنها ممكن ان معناها ؟؟؟؟؟ |
رد: ماهوا القرم سود؟؟؟؟
اقتباس:
ان القرم سود يدخل في التفاعلات النفسية الفيلوسجية بسبب تأخر الذره العنصرية الجذريه للعد سين وقد ينقص وزنه لانه اقل منه في الخبره ,,يتجدد كل ثلاث عشرة ساعة بدافع التواصل الفضي للنثر الشعري القديم ,, وقد استخدم في بناء الاهرامات المصريه وهو ممنوع دوليا لدخوله في تفاعلات الاحماض النووية على سبيل المثال حمض ( انتا ميبا هستوليتكا ) ودمتم سالمين |
رد: ماهوا القرم سود؟؟؟؟
تصدق يا ابن غيهب إني أكتشفت أن في شعب من شعوب الإتحاد السوفيتي السابق , إسمهم القرم ,,
وهذا حقيقي ,, ولكن يا فرحه ما تمت طلعوا بيض مو سود ,, أبن غيهب ,, عليك بعفشك, واقرب رحلة وعلى إفريقيا ,, وربي أن تحصلهم مثل الدود ,, وعاد لا صرت هناك دور لك أحد يدلعك ويقولك يا عسول هههههههه |
رد: ماهوا القرم سود؟؟؟؟
ياشباب ترى الدعوة فيها تحدي على سيارة FJ اذا جبت الجواب الصح الدعوة جد عاد ومني وعد اعطي كل واحد منكم دورة بالسيارة اذا جبتو لي الجواب وش قلتو |
رد: ماهوا القرم سود؟؟؟؟
ابن غيهب ,, تعال وعلمك بشورعندي ,,خذ الوالده عسى ربي يحفظها لك ويحفظك لها ,, وأنزل بها السوق ,, ثم إذا رجعتوا للبيت لف بها على أقرب محل عصيرات ,, وهبلها عصير كوكتيل محترم ,, ثم قول لها يا ومه دايم تقولين القرم السود ,, هي علميني بهم وأبشريى بنزلت ثانية للسوق ,, ثم سلم على راسها وأدعى لها ,, صدقني أن تعلمك ,,,,,, خذ العلم مني :wink_5:
|
رد: ماهوا القرم سود؟؟؟؟
وطن عمري والله ماتعرف امي وش معناها اصلا المثال الي جبته عشان اقرب لكم الصورة |
رد: ماهوا القرم سود؟؟؟؟
طيب ,, أسمع بعطيك حل ثاني ,, إذا رجع الوالد من بعد صلاة العصر ,, وقد عاد جالس ومتركي وقد جابوا له القهوة والتمر والعلوم السفرة وتحس إنه مروق ,, تعال وسلم على راسه , وخذ الدلة وأحلف أنه ما يقهويه إلا أنت ,, ثم صب له فنجان ثم قوله يا وابه عطني علومك يوم كنت ترعى الغنم في الديرة زمان ,, هو في ذي اللحظة ما راح يصدق,, بينبسط أن فيه واحد من عياله يسأل عن ماضية ,, ثم أستمع له بكل إهتما م ولا تقاطعه ,, ثم إذا خلص قول له إلا على طاري الديرة وش معنى (القرم السود ) في هذي اللحظة صدقني بيعلمك,,:010305123602:
|
رد: ماهوا القرم سود؟؟؟؟
يارجال ابوية مايعرف من الديرة الا انه ولد فيها بس وطلع من الديرة وعمر 7 سنوات ولا عاش بالديرة نهايا يعني معلوماته ميح عن الديرة مافية امل اكسب منه اي معلومة |
رد: ماهوا القرم سود؟؟؟؟
آل غيهب
والله العظيم اني سألت لك شيبان بالديرة ولا عرفوا شنو ذي ( القرم سود) لا وقالوا وش معناها وقالوا كيف تنقال (( يعني جيبها في جملة )) وحاولت بشتى الطرق ولا في امل وانا اخوك ..!! |
رد: ماهوا القرم سود؟؟؟؟
حرام عليك يا أبن غيهب ,, تعبت الاستاذ إسماعيل وخليته يروح يسأل لك ,, اسمع نصيحتي ,, ود سؤالك ذا لمسابقة من سيربح المليونين ,, وخلهم يحطونه السؤال الأول لكل مشترك واللي يجاوبه ينتقل للسؤال الثاني ,,( أحلق عيني ياشيخ إذا أحد عرف جوابه ),, وخلهم يعطون المتسابقين جميع وسائل المساعدة المتاحة ومنها إتصال بشايب من ديرتنا ,,
|
| الساعة الآن 10:23 AM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir