روّح وروح ابعد بدنياك = يامتعب قلبي بصدك
الدرب لي ضحكّ بكاك = موت وتكوّى بنار حقدك

وشهو الضماء للي رويّ يوم يشتاق=والشوق وشهو لضمى يوم يروىّ

الخل جافي وعينـي كـم يحاربهـا=والأهل واصحابنا والدون والعالي
والروح وش عذرها في ترك متعبها=أحبها يا سعـد والحـب موّالـي
نفسي تبي العز والحاجات تغصبهـا=ترمي بها بيـن أجاويـد وانـذالِ
الحب يحيي عظام ٍ لا حيـاة ابهـا=كالسيل يحيي الهشيم الدمدم البالي

حبيبتي ضاق الفضا وين باروح=وان رحت ظلم النفس للنفس ماراح
مجروح ماهو هم لوقلت مجروح=يالله عسى مااصير في قلبك جراح
تبسمي برق ٍ على ثغرك يلوح=بشد له مدام في العمر مرواح
غزيت وجه الصبح من غير مصلوح=وانكفت دون الشمس هقوات ورماح

قلت اباعاملك بالطيب والشيمه = ويا خساه معك ضيّعت هقواتي
كلمة الحبّ عندك مالها قيمه = رح في دربك وغيرك يا الغضي ياتي
عندي الامر تاخيره وتقديمه = طاح مركب غرامك في محيطاتي
لو دريت انها خطه وترسيمه = كان حطيّت حيلتكم بمخباتي
شف قلوب البشر ماهي على البيمه = مابقى دون حلقي يكون يدّاتي
كل ضربه لها يا زين تعليمه = انتهينا وخذنا درس للاتي

تقول جننتني ياخِبل وأنت إمْجَنُول=قلت الجِناَنْ إن مَجنونٍّ يجنن أَجنْ

فمان الآه ياحلامي اشوف وجيهكم بالخير=انا يكفيني القاكم خيال وعالم ٍ فاني
لقيت اني مسافة ياس .. حالة مالها تفسير=قتيلة في يدي سكين ومدري منهو الجاني
نزيفي ريش متبعثر جمعته وافتكرته طير=رياح الغدر ورتني حقيقة رايها ثاني
فمان الحب ياحبابي .. ياكل الشوق والتفكير=ياكل احساسي .. جنوني .. ونبض الروح بالواني
فمان حروفي الثكلى الى من خانها التقدير =فمان الفقد والاحباط وقبرك وسط شرياني
فمان الآه ياجرح ٍ يشقونه بلا تخدير=يقهوونه اجاج الملح الى من زارهم عاني
فمان الصحبة اللي تطعن المقفي بلا تبرير=فمان اغبى انتصاراتي على جرحي وخذلاني
تعبت من الحكي والله .. تعبت وهدني التعبير=تعبت اسال وجودي فيك ولك رغبة تناساني
اخيرا بحزم احساسي وشعري واعذر التأخير=انا مليت من حرثي محيط الياس .. واحزاني ..

كنت أحسّـه طفلـي إللـي منّـي و لـيّ إنتمـاءه=و اشعر إني طفلـةٍ لـه / و الهـوى طفـل الخجـل
كنت احبه .. إيه احبـه .. لـو بَـدَر منـي إسـاءه=يَمَّه اركض / إصحى تزعل / ما اقوى يا خلِّي الزعل

جرحك على خبرك ورى حدب الاقواس..= وانا على خبري ظروفي اهي ظروفي..

طمنوني عن حبيبي كان مريتوا عليه = وعلموني كيف اعيش وطمنوني كيف حاله
ياترى مرتاح ولا صار بعدي شي فيه = واسألوه ان كان حي لحين هاللحظه لحاله

يالطف الحشا لو تسمح من وقتك ابي لي ساعه = وانا اعطيك وقتي كله ريّح نفسي الملتاعه
لو كلمتني بالهاتف صوتك من ورا السماعه = تيارات تدخل دمي باشكال الهوى وانواعه