|
اتفق مع نوااااااره والله مافي زحمه كلش
خلصي شغلك بسرعه وارتاحي اما الليل فهذا شي ثاني |
يسعد مساااءكم ياحلوااات
كيفكم وش اخباركم..؟ أول مره اشارك معكم مذا معكم من هريم هنيه ونشارككم عيدكم آرهي انكم تسولفون عن الأسواااق فجووووره وين المحل اللي يبيع زي الكرت حقت زمان <<تبغى تتقضى للديره الله يخارجنا من ذا الصيفيه عاد همها وين مكانه بالضبط الله يسعدددددش ويسلموووو على الموضوع |
هلاوالله يا بنت العمري معنا ما لذ و طاب انتي بس وين القهوه حقت العصر نستناك تجيبينها :)
ايوالله عن الاسواق نسولف .. اشرايك اش احلى الاسواق في الصباح و الا الليل ؟ انا و بسمه نقول الصباح .. الدنيا فاضيه و ناخذ راحتنا بكل شي .. و الاسواق مكيفه و بارده .. |
اما الصباح فزين للسماها
ام تي معها فرقة عوال وموظفة كيف تقول تسرح تتسوق في الصباح ؟؟ بالنسبة للكرت بضم الكاف تي تقول فير سبق وريتها كنها لبس صنانيع هع والناس اذواق اقعدوا في العافية يا صويحباتي |
طيب يوم الخميس يا بنت الشيخ ؟؟
كثير اللي اشوفهم مع عيالهم في الصباح .. |
مرررحبلي والله بـ/نواره
والله ياوخته بالنسبه لي ماعندي وقت محدد متى ماطقت برأسي اشتليت عبايتي وافلحت صبح ليل فجر ظهر عصر ماعندي مشكله اهم شي اشتري واخلص بس بيني وبينك الصباح تخووووف الأسواق مافيه احد هيا تخيلي انا قولت تخيلي هااه تخيلتي ولا باقي انك تمشين في احد الممرات ويطلع لك عامل من احدى المحلات ويشتلك ويفلح بك>>>تفكير أمي الله المستعان فكرهم انا خرفان خخخخخ انا تعقدت من روحه الصبح لأن عوالي مايحبونها بنات بي طفش مذا اعبى بعمري من امس مواصله وابغى انام وماقدرت |
حيا الله بنت العمري بس بدون كيد نرحب بك في مجلسنا العامر بالنسبة للتسوق ففي الصباح افضل شئ حتى الزبائن محترمين لكن في الليل اذا اضطرينا لتوفر المواصلات مثلا اشوف بشر ما ادري من اي كوكب جو الله يعافينا مما ابتلاهم ويهدي شبابنا وشباب المسلمين وبعدين المفروض الوحدة ماتروح السوق لوحدها مهما كان حتى لو معها ابو عشر سنين لا صبح ولا مساء والله يحميكم جميعا |
الله يسعدكم سوالفكم ماتمل وانا مع فكرة التسوق في الصبح هدوء وبدون زحمة والمولات مكيفة ..
وبالنسبة لبنت العمري حياك الله اختي واذا تبين تنامين امشي نصف ساعة وخذي دش وحبة بنادول وتنامي نوم العوافي .. |
الله ياطيوفه تصلحي الدكتوره هووووووونا
يسعد مساكم يارب |
اقتباس:
مررحبلي والله وبدوون كيد لايروح بالك بعيد مع الأسم ماعرف اكايد وقسسم عبى الكهيل لاإله الا الله كم بهم ويكايدون بعض.. وعلى طاري السوق اليوم وانا راجعه من الدوام مريت من عند الرياض قاليري وحياه مول تخيلوا عند البوابات باصات شرطه وسيارات شرطه وامتلت من ذا الشباب الكدش وطيحني كل ماشافوا شله شباب لقطووهم وعلى الباص فالينها اخر يوم في الأختبارات وانتشروا في المجمعات عبى الذر والبنات زيد ماقصروا سعد الباصات لهم الوحده لا غطوه ولاهم يحزنون... وكلامك 100% ماتروح الوحده لحالها بعدين يشتلها العامل على قولت امي خخخخخخ |
اشوف بشر ما ادري من اي كوكب جو
صدقتي والله الاسبوع الماضي وحده مصريه تناشبت انا وياها عند المحاسب بغت تاخذ مامعي من قلب من كثر صياحها والمصاريه مايحتاج لسانهم اطول من اجسامهم والاخت بارزه عضالاتها شوي وتلمخني بكف والشباب السعودي يتلفتون فينا ومن الخرعه ماحاسبوا عند المحاسب نفسه افلحوا يتلفتون من بعيد السالفه قاعده تسولف وحدتني بالعربيه حقت ولدها وزوجها يحاسب والا بتعدي معنا سكرة عليه من جهتي وقعدوا خلق الله يدخلون من الجهه الثانيه والهنوف واخوها مثل الصنم هم وعربياتهم مااحد معبرنا وولدها يبكي بكاء وتضحك وتسولف مع واحد قلتلها بكل هدوووء لوسمحتي اطلعي بعربيتك من هذا الممرلانه بس للمحاسبه الممر الثاني مخصص لك ولغيرك ابي احاسب ولاقدرة من عربيت ولدك وانا من زماااااااااااان راصه وراكم ودخلتي ناس قبلي ((ام اشتبي الله لايوفقها وصييحي بأعلى صوت انتي مابتشوفي الولد بيعيط ومكسوف وهتك كلام نصه مادريت وشهو التفت في اخويه قال كوليها هنا سلمني الوضع فسحب عربية ولدها وارميها للجهه الثانيه وتلحق وراحت تجيبها وجت مسرعه كنها مصارع بتضربني فحتدها خويه وماشاء الله مررره طويل وعملاق فقعدت تتكلم عليه وهو مافتح فمه بس حدها بالعربيه عشان ماتوصلي وكان يضحك عشان يقهرها والثور زوجها يتلفت ووالله مافتح فمه بحرف وقعدت تبكي وتصيح بصوت عالي فين الامن دي تعدت على ابني ورمته بالعربيه والكحل والمسكره ساحت مع البكاء والفشخره تي كانت بها افلحت وتلعني وتسبني لحد ماطلعوها المن برا السوق كان اصعب موقف صارلي ومااكذب عليكم كان فيني خوف من كثر ماصاحت وبكت كني قتلت ولدها والمشكله من اليوم يبكي ولا اعطته وجه بس الحمدلله عدى على خير وعساه ماعاد يتكرر وانا انزل السوق الصباح من تسع لاثناعش اشري اللي ابي وبدون زحمه طبعا اخواني دينهم ودين الاسواق عشان كذا قبنا سوقنا صباحي |
ههههههههههههه
يا ليتني شفتك يالهنوف بذاك الموقف :) والله نفس حنا ما يحبون الاسواق و زحمة الدايري في الليل .. نقوم صبح نتسوق و نرجع .. و لا ازعاج و لا شي .. |
هههههههههههه الله يسعدك ياالهنوف .افرضي طاح الولد وابتلشتي في هالصعيديه .بس صراحة مالومك يقهروووون من جد ..
والحمدلله على سلامتك هنووفه |
حياك الله يابنت العمري وكنت امزح معك في قولي بلا كيد وكلنا ذات كيد وان كدت كدنا http://forum.baniamro.com/saudiahost...tor/smilie.gif هنوف السوق اشر الاماكن عند الله لهذا فيه تعامل خاص مع السوق له وقت معين ومدة معين والسوق للتسوق لغرض معروف ولازم محرم وتخيلي لو اخوك ماهو معك ؟ الله لا يحرمك منه ويبارك فيه وكل اخو المرة اللي شفتيها من دولة اباحت الاختلاط وعودت بناتها على الجرأة والجدل امام الرجال بصوت عالي هذه من مساؤي الاختلاط اذا كان داعية مصري اظنه محمد يعقوب قابله واحد ومعه بنت صغيرة يمكن في سن خمس سنين وطلبها ابوها تسلم على الشيخ استحت البنت وتمسكت في ابوها قال الشيخ خليها دا الحياء فطرة نمي فيها صفة الحياء اوع تنزعها منها اوع مما شاف من اللي تطلع وتجعر بانكر صوتها المهم الحمد على السلامة |
اولا/ اشكر فجر صاحبة المجلس واتشرف بانضمامي لكم اخذني مووتك يالهنوف بغت تدهكك المصريه ومادرينا الحمدلله على سلامتك عيدكــ بالنسبه للاسواق انااطلع اتقضى صبح وفي العصر ارجعها ههههههههههههههه |
| الساعة الآن 05:07 AM |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.0 PL2 (Unregistered) TranZ By
Almuhajir