يمكن جنون الحب هـذي مواريـه
يمكن عشقت الهم عشـق الكتابـه
كني جريح صعب جرحه يداويـه
مجبـور بيـن العاطفـه والكابـه
كان الوهم يطلبني الحـب بعطيـه
عمر العمى ما شاف درب مشى به
تعبت المح قولـي انـك فهمتيـه
مجنون حبك لا تزيـدي صوابـه

لقايلها

تناديك رغبات المقابيل من الأرض وانتي بالمجرّة
تهادي على غصن من الليل وتمادي على القلب ومقرّه

ترى كل هالدنيا تساهيل مادام اننا بنعيش مّرة
تلدّين وتزين التعاليل، تصدين وتصد المسرّه

وأناديك ودموعي هماليل وفي الصدر تنهيده و حرّه
أحبك وما للحب تأويل ولا شفت منك إلا المضرّة

وتموني يا ريم المكاحيل على القلب في خيره وشرّه
اذا جيتي استاهلك بالحيل، واذا كان ما تبغين حُرّه

لشاعرها

أدري عادي ليضحك أدري اللي يغمز ويلمز
وادري حالتي صعبة ولاني نافض ايديه
واضحك مثل هالعالم واجامل خاطري واعتز
واصبر نفسي بنفسي واقول النيه النيه
وحظي يركض لغيري وانا يمشيلي يتعكز
لو اطلب ذنب عيا كيف لو اطلب بس حنيه