دردشة المساجلهـ الشعريـهـ

وينك ترى ضاقت علي الوسيعهـ
عقبك ولا واحد ملى عين مغليك

عساك ما تاخذ غيابك طبيعهـ
وتنسى ليال الشوق وارواح تشريك

***

كان قلبي ينتظر كلمة : هويتك
كان وده .. يدري إنك ما انشغلت

كنت أبيك تقول : وينك ؟ إحتريتك
وإنتظر قلبي .. ولكنك ما قلت

تدري انك غير كل الناس والله
تدري ان الحب مخلوق عشانك

كل دربٍ في معاليقي تدله
في خفوقي حلف ما يوم خانك


لشاعرها

كل الدروب اللي من اول تودي لك
تسكرت مع مرور الوقت قدامي.

اسلي النفس بالذكرى واغني لك
من بادي الوقت وهذا طبع الايامي.

ياليل في قلبي من الشوق جرحين
ودوى جروحي بين هاك الشفايف
ياليل شفتة مرة عقب عامين
وانا من الفرقى على القلب خايف
ياليل محلى نظرة العين بالعين
في غفلة الحساد نبرى الحسايف

فاتك زمان الحب واصبحت تذكار
واليوم لا حبك ولا حب غيرك

‏فيني بداية وقت ونهاية ازمان
‏اشتاق باكر واعطي امسي حنيني
‏واسقي قلوب الناس عشقٍ وضميان
‏واهدي حيارى الدرب واحتار ويني.!

سووووري عذبه 😊

من مبدأ وجود أعتذار وحسن الظن...

ياعيـد: ياجـرح يقتلـنـا ويحييـنـا
اظنيت قلب الفتى حتى انحنـى ظهـره

ياعيد : بحر الفرح ماكان لـه مينـا..
وش فيك ياعيد حديّته علـى صخـرة؟

ياعيد : كان السحـاب يغسّـل ايدينـا
واليوم يـا عيـد مايحمـل ولاقطـرة!

ياعيد : كـان الشتـا يدفـى بأغانينـا
واليوم مايدفي اضلاعه سـوى العبـرة

ياعيـد عشنـا طفولتـنـا بلياليـنـا
طفولة الحـب يـوم الله كتـب عمـره

طفـلٍ وطفـلـه تغازلـنـا امانيـنـا
قلوبنـا بيـض لا تحقـد ولا تـكـره

لا حِسْد لا زيف لا كـذبٍ نبـت فينـا
نقـول :لا,للشتات.ونحفـظ العـشـرة

هات القلم واكتب على بيض الاوراق
للصاحب اللي عادني مانسيته
ليش مالي نفس اكتب
يلعن ام الضروف اللي ماتنتهي

هذي هي الاقدار يالصدر الوسيع
الضيقه ام ايام اخفّ من الغبن.

بكره سموم القيض يقفاها الربيع
ونقول للايام...صافي يا لبن.

يآآه ياعذبه من ضيقة الصدر

.
ناديت وينك ..؟
شف كم ناديت
وكم قلت وينك..؟
وكم ضاقت أنفاسي تحتريك..!
كم اتعبت
قلب أغلا محبينك..
كم أشقيت
نبض من يشتريك..!


.

كذّاب من قال البطا.يرخص الناس
هذا إنت قدرك يرتفع..وإنْت غايب

لقـيت في بعـدي عن الناس راحــــه
وجـنبت عـن بعض الميانات تجنيب

غايب عن علوم : الردى والوقاحه
وحاضـر ليامنـه دعتنـي مواجـــيب

بروحي كان ضيم الوقت عذبكم وانا غايب
ترى والله مقصدها ولاهو شي بيديني


انا متعود اتغيب ولو تسألني آجاوب
غلاكم مثل ماهوه عسى ماراح يكفيني



خربشه بقلمي ....