بيت على الكيبورد

ودي إني كل ما قلت أبنسى قلت حي

لكن إني كل ما قلت أبنسى ما نسيت

لليالي واختلاف البشر في كُل شيء

قلت للواقع يعدي ولأكني دريت!

يا سعود ضاقت بي الوسيعه والآفاق
من عقب ما كان الفضاء لي مجالي

أخاف من همي ومن ضيق الأخلاق
وأخاف لا نبلش بناس همالي

ناس عديمة ذوق وشلون تنطاق
واشلون اعاشرها وهي ما تبالي

الوضع ما يصلح ولا عاد ينطاق
نويت أنا يا خوك شد الرحالي

بقلمي .....

والناس في غطها وانتشالها
ياقلب لا تسأل عن أحوالها
مادام ماهي حلالك خلاص
وش لك بها يوم تسعى لها
أبنصحك يوم النصيحة بلاش
ونفسي كفاها منّك ماجالها
الحب في غير شرع الله حرام
وعيبن على الرجال لا قالها

يقودني طبع العباد الجريّه
...................... على المعاصي فكرهم كيف ماشي
واشوم عن طبع الردي والرديّه
.................... واحسب حسابي من قصير الفراشي

ليت الأمل ينبت لك الورد واهديك
واهديك ورد من غصون (ن) رقيقه

يا بدر خلي في جماله يضاهيك
بالحي شمس وكوكب في فريقه

الغيم والمزنه تعيقك وتخفيك
وخلي حشا ما فيه شيء يعيقه


بقلمي ....

فاتتني ايامك ولافات لك يوم
................. ياللي تبيع الوصل كنّه بضاعه
اعطيت لك قلبٍ يراعيك عالدوم
.................. واهديتني قسوة جفاتك وداعه

تضيع لك عند الرخوم الجميله
................. لوكان يبدي لك عليهم حوايج
والمشكله ينكر بعضهم زميله
................ وعند اللوازم ماتلاقي النتايج

بسوق لك عذب القصيد النقاوي
................... من بعد مااطيّب حروفه تطيّاب
طيبٍ خصصته ماتجيه الحكاوي
..................... تستاهله غالي ونادر وخلاّب

ماتمنيتي حضوري في وجودك
............... ولاتمنيت التواجد مع سواك
هذي الدنيا تعاند لك صدودك
................ والنتيجه حبنا شفته طواك

خبر وصولك فرّح القلب وابهجه
............... وبشارته راحت لراعي البشاره
ارهجني اغيابك وذا الوقت برهجه
.............. ومن لامني جعله يذوق المراره

ياقلب لا تشكي فراقه وتبكيه
اهل الشماته مالهم بالجماعه

في قربهم مالك بمركا تركّيه
وبزود همّك زودهم في فقاعه

لاشكالهم واللي بشكله يزكيه
فرقاه تقوى وبالرفاقه مناعه

ومنهو زهابه للافاعي يوكيه
باسودٍ سمه تمرمر لاندفاعه

بقلمي....

جرعتني همّ الهجر والقطيعه
................. يامبدلٍ سلم الوصل بالقطاعه
الوصل يبني له بيوتٍ منيعه
................... والهجر فيروسٍ يشلّ المناعه

في وجنة الليل وانسامه خيالاتي
مرسوم في لمح البراد المستحي صوره


حتى فضاها ملامح من محاكاتي
واخذت من بوحه الموجود مقصوره

لو كلّ ما يخفيـــه سـجن المشـــاعر
............................ يظهر لنــا في ثوب شيــلة واغـاني

كان استعـاذ الشعر من كل شـــاعر
............................ وكان افلست سوق الحكم والمعاني

يمنعك من فعل الخطأ عدة اسباب
.................. ولو كان لك وجهة نظر مستقلّه
بيت الخطأ ماله درايش ولا باب
................... ولاْ لْه جدار وسقف فوقه يظلّه