بيت على الكيبورد

جيتك مثل المطر عقب اليباس
يوم قاعه شققه غدر / النهار


أنت ___ !

بوح مبعثر

يَ اللي بعين الشكوكـ اليـــوم تلمحني
شــــكيت في نيـتي والا في اقـــــوالي


إنكـــاني اقـــديت لا تتعب وتمـــدحني
خلّ اجر مغليــكـ عند الواحـد الــوالي


وانكـــاني اخطيت مِلا قصد سامحني
تراكـ عنــدي كبيــــر ومنزلكـ عــالي

عسى ما بقلبي من هموم الزمان تروح ... وتطوى صحايفها وننسى سبايبها .

هاجس الشعر تهمه وأنا منها بري
ياهل المنتدى لا تكثرون الظنوون

شفت مجنون ليلى يمدح البحتري
وشفت الأخطل بعيني يعتريه الجنون

وواحدٍ قد تبدوى بعد ماهو احضري
وواحدن كان قاسي قلب وأصبح حنون

المشاركة الأصلية كتبت بواسطة المهاجر07

هاجس الشعر تهمه وأنا منها بري
ياهل المنتدى لا تكثرون الظنوون

شفت مجنون ليلى يمدح البحتري
وشفت الأخطل بعيني يعتريه الجنون

وواحدٍ قد تبدوى بعد ماهو احضري
وواحدن كان قاسي قلب وأصبح حنون

ههههههههههههه

إلا توها ثبتت التهمة شاعرنا .....

المهـــاجر يقــول لا ابيــع ولا اشـــتري
وانا شــفته مع التجــــار يتســــاومــون

اللي يبغى يــذوق البُــــر يجـري جـري
انت ما تــدري إن الحَب من كـل لــون

دامها عثّــــريّة والدويــس اخضـــــري
يا كل [القرو] بعض اللي بدوا يزرعون


ويا زين الملحق

تعاليني بدجى ليل الوفا ذكرى وبعض احلام
إذا عيّا سحايب ظرفك من البدر تضويني

سهرتك ليلة الماطر مع الشمعه بهمس اقلام
اسلّي بيض الاوراقي وأغني لك حزن فيني

أحبّك وكل مافيّني يحبّك بدايم الأيام
أحبّك هايمٍ بك بكل مابك جنّ مافيني

جيت الرياض وكنت احسك بجمبي
صحيت مثل اللي من الحلم مزعوج

مدري تصدقني اذا قلت قلبي
قلبي وهو قلبي من الحلم مرجوج

لو حست عيوني بدمعي وذنبي
كان انفجر قلبي وهو داخل العوج

الا يامصعب الدمعه اذا هلت من العينين ... اذا كانت سبايبها علوم تكسر الخاطر .

المشاركة الأصلية كتبت بواسطة ابوفهد العمري

الا يامصعب الدمعه اذا هلت من العينين ... اذا كانت سبايبها علوم تكسر الخاطر .

أبو فهد
شخصية اكن لها الأحترام والتقدير
فأحببت ان اذكره موقف معي قبل سنوات
بهذين البيتين
!!!
الأ يا مرحبا يا بوفهد يالسيــــف بوحدين
زميل شامخ قدوة علومه تشــرح الخاطر

تراني باقي ع العهد لأنه في حياتي دين
وكنت أرض يباس وذاك العلم لي ماطر

البنا آدم فقير وحتى لو هو غني
يبقى محتاج للرزاق ذا خالقه

والصديق اللي وقت الضيق يحتاجني
وقفتي معه ماهي مسألة عالقه

بين جنّات الرحيم وبين ناره
كلمةٍ وابن آدم اللي تخيّر

واللي بقا رحمة الغني بداره
عن عالمٍ ماله غنا لوهو مخيّر

ياصباح الودْ والوردْ اللي أوله
وانتي على تاويل لونه مع شذاه

ماني بشـاعر ولكن باكتب ابيات
ابيات تحتاج من يجبر كواسرها


الباقي على مدى سنة ان شاء الله او تزيد ويمكن بااااح

المشاركة الأصلية كتبت بواسطة ابو سيف العمري

ماني بشـاعر ولكن باكتب ابيات
ابيات تحتاج من يجبر كواسرها


الباقي على مدى سنة ان شاء الله او تزيد ويمكن بااااح

سلام والمعونة
أبو سيف
!!!

يا طير حــــــــر يحوم ويحمي ابيات
ابيوت عـــــــز بناها بوك واســـرها

الطير ينهض وله بالـــــــجو وثبات
وإذا بغى الضبية الحمراء بياسرها

!!!
هدية متواضعة لك يا طير شلوى

الباقي على مدى سنة ان شاء الله او تزيد ويمكن بااااح......

تأكد انّا لسنا على كراسي شواطئ الراحه


اعظمنا هنا مع مقولة أن :
الشعر مشاعر وشعور واحاسيس

ومما لاشك فيه
ان هناك ما أتى بين البوح والشعر وأعذب من الشعر
فلا تقلق ياهذا لايزال هناك متسع واعنوان يكفيك صدقاً
وأيضاً ليس كل مايطرح للنقد هناك ماهو للتعليق والمشاركه

فلا تضع السنه حاجزاً دون مشاركاتك التي تسعدنا....